— Тыа хаһаайыстыбатын министиэристибэтэ улуустары түөлбэлэринэн араарарыгар, Ленскэй уонна Мииринэй оройуоннарын бастакы (бырамыысыланнай) бөлөххө киллэрэрэ. Ол иһин сүөһүбүт ахсаана наар барыларыттан аҕыйах курдук көстөрө. Дьэ, быйыл СӨ Парламена туруорсан, биһигини 3-с бөлөххө көһөрдүлэр. Онон тыырыллан кэлэр харчыбыт улаата түстэ. Холобур, ааһан эрэр 2020 cылга 12931703,60 солк. көрбүт эбит буоллахтарына, үүнэр 2021 сылга -- 28960000 солк. Итини таһынан тыа хаһаайыстыбатын боппуруоһугар биэс боломуочуйаны муниципальнай тэриллиигэ бэйэтигэр биэрдилэр. Онон аны мантан ыла баар кыһалҕаны, урукку курдук эргиппэккэ, миэстэтигэр тута быһаарар буолуохпут. Түмүктэнэн эрэр 2020 сыл арҕааҥҥы улуустарга тыа хаһаайыстыбатын сайдыытыгар суолталаах буолла, үктэл уурулунна.
-
0
-
0
-
0
-
0
-
0
-
0
