Бырагыраама биир эбэтэр элбэх оҕолоох ыаллар 6 %- ҥа тиийэ чэпчэтиилээх кирэдьиити туһаналларыгар көмөлүүр.
Дойду бырабыыталыстыбата РФ Бэрэсидьиэнин сорудаҕынан, "Дьиэ кэргэн ипотеката" бырагырааманы салҕыыр туһунан быһаарыы ылынна, ол курдук биир эбэтэр элбэх оҕолоох ыаллар 6 %-ҥа диэри чэпчэтиллибит кирэдьиити ылыахтарын сөп.
- Оттон Саха Сиригэр, 2019 сыл тохсунньу 1 күнүттэн оҕоломмуттарга, чэпчэтиилээх кирэдьиит ыстаапката 5 % тэҥнэһэр, - диэн иһитиннэрэр Саха Сирин Баһылыгын уонна бырабыыталыстыбатын пресс-сулууспата.
-Дойду бырабыыталыстыбата «Дьиэ кэргэн ипотеката» бырагыраама болдьоҕун үһүс төгүлүн уһатар. Саха Сиригэр бырагыраама оҕолоох буолууга судаарыстыба өттүттэн көдьүүстээх өйөбүл быһыытынан көрдөрдө. Ил Дархан Айсен Николаев «Дьиэ кэргэн ипотекатын» олоххо киллэриини хонтуруоллуурга уонна оҕолоох ыаллар элбэхтик туһаналларыгар көмө оҥорорго сорудахтаата", - диэн бэлиэтээтэ СӨ бырабыыталыстыбатын бэрэссэдээтэлин бастакы солбуйааччыта Кирилл Бычков.
Билигин бырагыраама 2018 сыл тохсунньу 1 күнүттэн бастакы оҕоломмуттарга эбэтэр кэлин оҕолонооччуларга тарҕанар. Кирэдьиит дуогабарын түһэрсии болдьоҕо эмиэ биир сыл уһатыллар – 2024 сыл от ыйын 1 күнүгэр диэри.
Бу бырагырааманан баар ипотеканы эмиэ рефинансируйдуохха сөп. Усулуобуйата - 2018 сыл тохсунньу 1 күнүттэн биир эбэтэр кэнники оҕоломмуттарга. Рефинансированиенан бэлэм дьиэни атыыласпыттар (атыылааһы эбэтэр долевой тутууга кыттыы дуогабар түһэрсээччилэр) туһаныахтарын сөп. Дьиэ тутуутугар бэриллибит ипотеканы бырагырааманан рефинансированиелыыр сатаммат.
ДОМ.РФ саайт дааннайынан, бырагыраама үлэҕэ киириэҕиттэн, 400 тыһ. кэриҥэ ыал олорор усулуобуйаларын тупсардылар. 2023 сылга бу бырагырааманан 150 тыһ. тахса ыал туһаныан сөп уонна уопсай бэриллэр кирэдьиит кээмэйэ 1 трлн солк. кэриҥэ тэҥнэһиэҕэ.
-
0
-
1
-
0
-
0
-
0
-
0
