Издательский дом Редакция Подписка
Погода в Якутске: . -14 oC

Сахацирка уус-уран салайааччыта, дириэктэрэ, СӨ, РФ үтүөлээх артыыһа Сергей Расторгуев бүгүн, тохсунньу 31 күнүгэр, 70 сааһын туолар.

Сахацирка уус-уран салайааччыта, дириэктэрэ, СӨ, РФ үтүөлээх артыыһа Сергей Расторгуев бүгүн, тохсунньу 31 күнүгэр, 70 сааһын туолар.

dc621bd6 794e 4c27 801a d4eb23a2a198 copy

Кини бэрт сэмэйдик: «Сахалар бу сааhы улаханнык бэлиэтээбэттэр, айыыргыыллар, ол иhин мин эмиэ ону тутуhуом. Көннөрү чугас дьоммун кытта бэлиэтиэм. Тус бэйэм итиччэ сааспын билиммэппин, итэҕэйбэппин, эдэрдии эрчимнээх санаалаахпын: өрөспүүбүлүкэ Уопсастыбаннай балаататыгар култуура хамыыһыйатын салайабын, АГИКИ «Культурологияҕа» салаатыгар кэтэхтэн 4-с куурспун бүтэрээри сылдьабын, циркам тиэмэтигэр кандидатскай үлэбин суруйа сылдьабын, ону көмүскүөхтээхпин», — диэн былаанын билиһиннэрдэ.

Сергей Расторгуев кэпсииринэн, 1997 сылтан 2019 сылга диэри 20-лии оҕо 3 бөлөҕүнэн Кытайга Пекиннээҕи норуоттар икки ардыларынааҕы искусство колледжын цирка салаатыгар 7-лии сыл үөрэннилэр. Үксүлэрэ аан дойдутааҕы уонна Арассыыйа  цирковой бэстибээллэригэр, араас күрэхтэргэ кыайыылаах үрдүк аатын ылбыттара.

2c862962 3c13 4174 bea2 f742d59dc549

88b4be41 d894 42c8 bc69 93aa3eb73aa7

2011 сылтан бэттэх Сахацирка артыыстара Будапештка, Прибалтикаҕа, Орто Азия, Арассыыйа киин куораттарыгар ситиhиилээхтик гастроллаан кэлбиттэрэ.

Бу күннэргэ Бриллиантовай цирка эдэр артыыстара Белорусскай цирка артыыстарын, балеттарын, оркестрдарын кытта холбоhук бырагыраамаларын биир ый устата Минскэй циркатыгар ситиhиилээхтик көрдөрөн кэллилэр. Беларусь Ѳрөспүүбүлүкэтин Бэрэсидьиэнэ уонна премьер-миниистир дьиэ кэргэнинээн артыыстарбыт сатабылларын, талба талааннарын астына-дуоһуйа көрбүттэр.

b70bc5e4 ffbb 4ab9 aa9d d4cf7481d406

Гастрол түмүгэр А. Посельскай салайааччылаах акробаттар «Летающие мачты» диэн нүөмэрдэрин улаханнык сэргээтилэр. 2024 с. олунньутугар Жирона куоракка (Испанияҕа) буолар циркэ Аан дойду бэстибээлигэр уонна «Эхо Азии» Астанаҕа аан дойдутааҕы бэстибээлгэ ыҥырдылар.    

Цирка саҥа дьиэтэ     

«Москваҕа “Росгосцирк” кылаабынай режиссерын, РФ үтүөлээх артыыhа Елена Петрикованы кытта Аартыка тиэмэтигэр саҥа цирковой испэктээк бэлэмнии сылдьабыт. Саас көрдөрүөхтээхпит! Саҥа нүөмэрдэр, көстүүмнэр, трюктар, сонун киэргэтии, декорация, бутафория, араас эффектар баар буолуохтара!

2019, 2022 сс. сүрүн режиссер быһыытынан режиссердар бөлөхтөрүн салайан, Аммаҕа, Бороҕоҥҥо Саха Сирин норуоттарын спортивнай оонньууларын аһыллыытыгар-сабыллыытыгар кэлэктииппин кытта ситииһиилээхтик кыттан кэлбиппит.

Аан дойду циркалара биһиги циркабытын билэллэр, үрдүктүк сыаналыыллар. Монте-Карло бэстибээлигэр алта киһилээх сыаналыыр судьуйа ахсааныгар 2019 с. миигин киллэрэн тураллар. Принц Альберт уонна принцесса Стефания жюри бэрэссэдээтэллэринэн буоланнар, хас күн аайы көрсө сылдьыбыппыт.

2004 сылтан циркабыт дьиэтэ эргэрдэ, онон быйылгыттан хапытаалынай өрөмүөн ыытыллыаҕа. Сүрүн былааммыт, баҕабыт Цирка дьиэтин 2-с уочарата тутуллуохтааҕа 19 сыл буолла.

Онно циркабыт салгыытыгар универсальнай, элбэх функциялаах арена, амфитеатр саалата, фойетыгар уопсастыбаннай-креативнай эйгэ баар буолуохтаахтар. Дьиэ кэргэттэр, оҕолор, ыччаттар, ыалдьыттар, туристар кэлэн сынньанан, үөрэн-көтөн баралларын курдук. Креативнай кластеры түмэр аныгылыы култуурунай-уопсастыбаннай киин буолуон наада!

Цирка билиҥҥи саалата манеж артыыстарыгар, кэлии труппаларга репетиционнай, аны АГИКИ, Култуура колледжын устудьуоннарыгар практическай дьарыктара, араас тэрээһиннэрэ буолуон сөп. Циркабыт атын тэрээһиннэр, успуорт түһүлгэлэригэр эмиэ кубулуйар кыахтаах», — диэн этэр Сергей Расторгуев.

 «Азия оҕолоро» спортивнай оонньуулар аһыллыыларын церемониятын ыытарга  Сергей Расторгуев режиссерскай бөлөҕө балайда уопутурда,  ким оҥорорун быhаараллара буоллар, эрдэттэн бэлэмнэниэ этилэр.

Күһүн Орто Азия куораттарынан гастроллуу барар былааннаахтар. Кулун тутар бүтүүтүгэр Сергей Расторгуев айар үлэтин 50 сылын бэлиэтиэхтээх, дьоһун үбүлүөйүгэр бэрт ураты уонна сэргэх көрдөрүүнү бэлэмниэн баҕарар. Астана, Алматы, Ташкент, Душанбе, Бишкек, Минскэй кк. циркаларын дириэктэрдэрин түмэн, цирка сайдыытыгар төгүрүк остуол тэрийэр былааннаах.

923b1df3 7923

«Кэлэктииппин биир дьиэ кэргэн курдук тута сатыыбын, хас биирдиилэрин аҕалыы таптыыбын, күүс-көмө, сүбэ-ама буолабын. Кинилэр эмиэ миигин таптыыллар диэн эрэнэбин!» — диэн кэпсээнин түмүктүүр.

Сергей Васильевиһы 70 сааһын туолар үбүлүөйүнэн итиитик-истиҥник эҕэрдэлиибит! Саха алмааһын курдук кытаанах доруобуйаны, чэгиэн-чэбдик туругу, туруоруммут сыалын-соругун ситиһэригэр энчирээбэт эрчими, уҕараабат күүһү-уоҕу, үлэттэн дуоһуйууну, дьолу-соргуну баҕарабыт!

  • 3
  • 2
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением