Издательский дом Редакция Подписка
Погода в Якутске: . -11 oC

Быйыл сайын Өймөкөөн улууһун Томтор нэһилиэгэр ыытыллыахтаах ѳрѳспүүбүлүкэтээҕи Олоҥхо ыһыаҕар бэлэмнэнии үлэтин чэрчитинэн кулун тутар 16-17 күннэригэр научнай-практическай кэмпириэнсийэ ыытылынна.

Быйыл сайын Өймөкөөн улууһун Томтор нэһилиэгэр ыытыллыахтаах ѳрѳспүүбүлүкэтээҕи Олоҥхо ыһыаҕар бэлэмнэнии үлэтин чэрчитинэн кулун тутар 16-17 күннэригэр научнай-практическай кэмпириэнсийэ ыытылынна.

67F42BC0 A854 4CA5 BFA9 9462675DEAD4

Ньурба улууhун култуура департаменын тэрийиитинэн бу кэмпириэнсийэҕэ Маалыкай кулуубун дириэктэрэ Харитонов И.С. уонна түмэл научнай-чинчийэр салаатын салайааччыта Борисов Б.Б. кытыннылар диэн Ньурба к. К.Д. Уткин аат. Норуоттар доҕордоhууларын түмэлин пресс-сулууспата иhитиннэрэр. Кинилэр соруктарыгар Олоҥхо ыһыаҕар кымыһы иһии сиэрин-туомун сырдатыы, билиһиннэрии уонна тэрээһинин ырытыһыы киирдилэр. Маны таһынан Борис Борисович кэмпириэнсийэҕэ алгыһы ыытыы салаатыгар эксперт быһыытынан үлэлээтэ.

43786C32 0F22 44F7 9D22 C7721331B313

Олоҥхо үнүстүүтүн дириэктэрэ Р.Н. Анисимов эксперт Б.Б. Борисовка туоһу сурук туттарда.

Борисов Б.Б. кэмпириэнсийэҕэ кыттыытын  маннык билиhиннэрэр: - Кулун тутар 16 күнүттэн "ХVI Олоҥхо ыһыаҕа Өймөкөөҥҥө: Айыы санаа айана" научнай-методическэй кэмпириэнсийэ саҕаламмыта, 200-тэн тахса ыалдьыт, тэрийээччилэр, олохтоохтор Томтор орто оскуолатыгар мустан кэпсэттибит. Уус-уран оҥоһуктар быыстапкаларыгар сувенир эгэлгэтэ, үрүҥ көмүһүттэн саҕалаан быһаҕар тиийэ турда. Атын улуустартан эмиэ кэлитэлээбиттэр. Кэнтик уустарын көрүстүбүт.

Салгыы манна алгыс кэнниттэн олуктарынан тарҕаһыы буолла. Биһиги И.С. Харитоновтыын "Ыһыах сиэрэ-туома, алгыһа: үгэс уонна билиҥҥи кэм" кэпсэтии олугар (секцияҕа) кытынныбыт. Манна Өймөкөөн нэһилиэктэрин баһылыктара, олохтоохтор, Таатта, Ньурба, Нам бэрэстэбиитэллэрэ кыттыыны ыллылар. Сүрдээх сэргэх кэпсэтии буолла.

10

Уус-Нера баһылыга Максимов И.Е. эппитинэн, Өймөкөөҥҥө төрүт култуураҕа төннүү, сэргээһин кэнники 10-15 сылга эрэ улааппыт, онон билбэппит-көрбөппүт олус элбэх диэтэ. Улуус үрдүнэн саха ахсаана 2,5 тыһ. эрэ курдук эбит. Сэттэ нэһилиэктэн саамай улаханнара 1 тыһ. нэһилиэнньэлээх Томтор. Сордоҥноох, Өймөкөөн, Төрүт нэһилиэгин баһылыктара эмиэ сүрдээх көхтөөхтүк кытыннылар. Иван Семенович биһикки кымыс иһиитин сиэрин-туомун арыйан кэпсээтибит. Өймөкөөн улууһугар биэни ыаһын умнуллубут дьарык эбит. Ону Олоҥхо ыһыаҕар дылы сөргүтэр сорук турар. Ытык ыһыахха биэ үүтүттэн оҥоһуллубут кымыһынан Айыылары, сири-уоту күндүлээтэххэ, ыһыах соруга ситэр диэн санааны тиэртибит, ылыннылар. Ол курдук, ыһыах биир тутаах тутулун - кымыс иһиитин үгэһин уонна тэрээһинин үөрүйэхтэрин туһунан кэпсээтибит.

Уопсайынан кэмпириэнсийэ барыта 12 олугунан барда. Бу таһынан хомуска, кылынан өрүүгэ о.д.а маастар-кылаастар буоллулар.

8

Салгыы пленарнай мунньахха саха тумус туттар дьонун Илларионов В.В., Саввинов А.С., Попова Г.С.-Санаайа, Шишигина Ф.В. о.д.а. тыл этиилэрин иһиттибит. Мунньаҕы култуура уонна духуобунай сайдыы миниистирин 1-кы солбуйааччы Ноев А.И. салайан ыытта.

Иккис күн кэлбит ыалдьыттар уонна олохтоох нэһилиэнньэ холбоһуктаах кэнсиэртэринэн түмүктэннэ.

6DD95B45 06A0 482D 8DA8 71EE2D78FB1E

20AC7DC8 AF82 44A9 92C0 0559A8BE1FF0

Кулун тутар 17 күнэ - кэмпириэнсийэбит түмүктүүр күнүгэр – олуктар үлэлэрин кэнниттэн Олоҥхо ыһыаҕын тэрийээччилэрин сүбэ-мунньаҕа буолла. Манна сүрүннээн 2019 уонна 2022 сс. Олоҥхо ыһыахтарын ыыппыт Нам, Үөһээ Бүлүү улуустарын делегациялара ыһыах тэрээһинин үөрүйэхтэрин үллэһиннилэр. Бу буолаары турар Өймөкөөн ыһыаҕар 10-15 тыһ. ыалдьыт кэлэрэ былааннанар эбит. Мунньаҕы ыыппыт Олоҥхо ассоциациятын бэрэссэдээтэлэ Ф.В. Шишигина ыһыахха кэлэр улуустар делегациялара түмсүүлээхтик кэлэннэр - бүттүүн Саха сирин сомоҕолоһуутун көрдөрүөхтээхтэр диэн бэлиэтээтэ. Өймөкөөн улууһун баһылыга И.С. Сивцев ыһыах тэрээһинигэр туох үлэ бара турарын сырдатта. Ыалдьыттар сүрүннээн анал балаакканан түһэр сиргэ түhүѳхтээхтэрин, онно дууһуттан саҕалаан барыта баар буолуоҕун туһунан кэпсээтэ. Онон ыһыахчыттар айылҕалыын алтыһан, Өймөкөөн ытык сирин кытта ситимнэһэн барыахтара диэн бэлиэтэннэ.

F0544259 4988 46E0 A78A 4D6A0A54A393

1F314785 A529 4E34 91C2 F05218FB80F5

Кэпсэтии кэмигэр элбэх этиилэр киирдилэр. Холобур, бу ыһыахха сылгыга уонна сылгыһыкка болҕомто ууруллуохтаах диэн. Онуоха улуустар делегацияларыгар үстүү сылгыһыт киирэрэ буоллар диэн эттилэр.

Кэнпириэнсийэ түмүк мунньаҕар олуктар экспертара туох түмүккэ кэлбиттэрин уонна буолуохтаах ыһыахха сүбэлэрин-соргуларын эттилэр.

7C0CBB7D 4BE4 4532 A77A BF0FCAB91275

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23