Тэрээhиҥҥэ төрдү-ууһу үөрэтии-чинчийии күрэҕин кыттыылаахтарын быыстапкатыттан саҕалаан, араас былаһааккалар үлэлээтилэр: «Аныгы үопсастыбаҕа төрдү-ууһу үөрэтии оруола: былаас уорганнарын, уопсастыбаннас дьайыылара», «Дьиэ кэргэн устуоруйата оскуола оҕотун майгытыгар-сигилитигэр сабыдыала”, «Кыраайы үөрэтиигэ төрдү-ууһу чинчийии боппуруостара» уонна «Төрдү-ууһу чинчийии үөрэҕэ: теорияттан быраактыкаҕа».
Икки күннээх тэрээһиӊӊэ Ньурба оройуонун дэлэгээссийэтэ эмиэ кытынна. Ол курдук, ѳрөспүүбүлүкэтээҕи «Мин төрүччүм» күрэх түмүктэринэн, Үѳдэй нэһилиэгин төрүччүтүн оӊорбут Мария Пудовна Николаева уонна Семен Леонидович Гаврильев кыайыылаах аатын ыллылар. Ону таһынан, Мария Пудовна Төрүччүнү уонна норуот үөскээһинин үөрэтэр-чинчийэр институт махтал суругун тутта.
Оттон «Ньурба Малдьаҕара ааспыт үйэлэргэ» кинигэ ааптара, кыраайы үөрэтээччи Татьяна Афанасьевна Саввинова II бочуоттаах миэстэни ылла.
-
0
-
0
-
0
-
0
-
0
-
0
