Сэминээргэ төрүт олохтоох аҕыйах ахсааннаах омуктар бырааптарыгар быһаарыыны эрэйэр боппуруостар тула киэҥ кэпсэтии таҕыста. Ол иһигэр, судаарыстыба национальнай бэлиитикэтэ төрүт олохтоох аҕыйах ахсааннаах омуктар бырааптарыгар тугу чорботорун, Арассыыйа Федерациятын төрүт олохтоох аҕыйах ахсааннаах омуктарын учуоттааһыҥҥа туох уустуктар көрсүллэллэрин, дойду Аартыкатааҕы зонатын сайдыытын Стратегиятын олоххо киллэрии, балыктааһын, бултааһын уонна табаны иитии курдук төрүт дьарыктары салгыы сайыннарыы болҕомто киинигэр турда.
Сэминээргэ кытыннылар: Хабаровскай кыраай төрүт олохтоох аҕыйах ахсааннаах омуктарын ассоциациятын бэрэсидьиэнэ, Хабаровскай кыраай Уопсастыбаннай палаататын чилиэнэ, история наукатын хандьыдаата Любовь Одзял, Арассыыйа Федерациятын Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлин ис бэлиитикэҕэ департаменын сүбэһитэ Алексей Алексеев, Арассыыйа Федерациятын Хотугу, Сибиир уонна Уһук Илин төрүт олохтоох аҕыйах ахсааннаах омуктарын ассоциациятын эспиэр-юриһа Юлия Якель, Камчатка кыраайын төрүт олохтоох аҕыйах ахсааннаах хотугу омуктарын бырааптарыгар боломуочунай Роза Долган, Сахалин уобалаһын төрүт олохтоох аҕыйах ахсааннаах хотугу омуктарын бырааптарыгар боломуочунай Алексей Лиманзо, Саха Өрөспүүбүлүкэтин Төрүт олохтоох хотугу аҕыйах ахсааннаах норуоттарын ассоциациятын бэрэссэдээтэлэ Андрей Кривошапкин, Аартыканы сайыннарыыга уонна Хотугу норуоттар дьыалаларыгар миниистири солбуйааччы Михаил Погодаев, улуустар дэлэгээттэрэ уо.д.а. кыттыыны ыллылар.
-
0
-
0
-
0
-
0
-
0
-
0
