Саҥа оскуола букатын дыбарыас курдук киэҥ-куоҥ, сып-сырдык, аныгылыы тупсаҕай оҥоһуулаах. Бэтэрээннэр көрөн астынныбыт.
Улуус үөрэҕириигэ салаатын начаалынньыга Ирина Васильевна Черкашина кэлэн эҕэрдэлээтэ. Бу оскуолаҕа үлэлээбит сылларын истиҥник саныырын, бииргэ үлэлээбит кэллиэгэлэригэр, бэтэрээннэргэ, истиҥник махтанан туран, наҕараадалары туттартаата.
Мэҥэ Хаҥалас улууһугар “Үөрэҕирии эйгэтигэр кылаатын иһин” бэлиэнэн наҕараадаланнылар: М.П. Харитонова, А.П. Дохунаева, М.И. Ноговицына.
Улуус баһылыгын Бочуоттаах грамотатын туттулар:
Т.П. Свинобоева
А.Н. Габышева
Үөрэҕирии салалтатын Бочуоттаах грамотатынан бэлиэтэннилэр: Т.Т. Борисов, А.В. Цыпандина, М.А. Харитонова, Я.К. Стручков, Д.А. Максимова
Үөрэх үлэһиттэрин профсоюһун Бочуоттаах грамотатын туттулар:
А.Н. Борисова, Е.И. Ноговицына, Е.Г. Мохначевская, П.Е. Чалкина, Т.В.Сотникова.
Хоруона хамсыгынан хааччахтааһыҥҥа хаайтарыы кэнниттэн тэриллибит көрсүһүү олус истиҥник, үрдүк таһымнаахтык ааспытын ыҥырыылаах ыалдьыттар бэлиэтээн эттилэр-махтаннылар.
Бииргэ үлэлээбит, алтыспыт кэллиэгэлэрбитин ахтан-санаан аастыбыт, сэмэй бэлэх тутан үөрдүбүт. Ырыа-тойук ылланна, оонньуу-көр тэриллэн, бары көхтөөхтүк кыттан, үөрэн-көтөн, астынан тарҕастыбыт.
-
2
-
0
-
0
-
0
-
0
-
0
