Издательский дом Редакция Подписка
Погода в Якутске: . -14 oC

“Кымыс – Айыы аһа” диэн өрөспүүбүлүкэтээҕи куонкурус күрэҕэр Балаҕаннаах агро хайысхалаах оскуолата (дир. С.А. Жендринскэй) ситиһиилээхтик кытынна .

“Кымыс – Айыы аһа” диэн өрөспүүбүлүкэтээҕи куонкурус күрэҕэр Балаҕаннаах агро хайысхалаах оскуолата (дир. С.А. Жендринскэй) ситиһиилээхтик кытынна .

725b108a 0709 4120 943a 414386d9254d

СӨ норуотун хаһаайыстыбатын үтүөлээх үлэһитэ, “Үлэ Кыһыл Знамята” орден кавалера,  өрөспүүбүлүкэҕэ 5 тарбах иһигэр киирэр уһулуччулаах сопхуос дириэктэрэ, колхоз ситимин производствотын бастыҥ салайааччыта, тэрийээччитэ Егоров Василий Поликарпович Балаҕаннаах хаһаайыстыбатыттан оскуолаҕа анаан 5 биэни биэрбититтэн саҕалаан, оскуола оччотооҕу дириэктэрэ Л.Т. Васильева элбэхтик үлэлээн-хамсаан, туруорсан, экспериментальнай былаһаакка оҥотторон, учуонайдары кытта үлэлэһэн, кинигэ таһаартаран, Балаҕаннаах оскуолатын агро хайысхалаабыта.

Ол кэмтэн ыла 18 төгүрүк сыл ааста.

Ити кэмтэн саҕалаан, Лидия Тихоновна улуус кылаабынай санэпидстанциятын бырааһа П.Д. Розенблюму уонна улуус поликлиникатын сэбиэдиссэйэ Е.В. Прокопьевы кытта ыкса сибээстээхтик үлэлэһэн, Балаҕаннаах оскуолатын базатыгар Кымыс лааҕырын  тэрийэн үлэлэппитэ.

58dd12b7 48dc 45f9 8894 e9cda1227973 1

Бу Кымыс лааҕырыгар улуус кииниттэн, олохтоохтортон мантулара ылар оҕолору мунньан, 2 сезонҥа лааҕыры үлэлэппиттэрэ. Олохтоох ФАП биэлсэрэ Н.Н. Прокопьева оҕолор доруобуйаларын туругун көрөн-истэн, кэтээн үөрэппитин түмүгэр, күн аайы биэ кымыһын иһиэхтэриттэн мантулара ылбат буолбут, ыйааһын өттүнэн эбиллибиттэр, улааппыттара бэлиэтэммитэ.

Бу лааҕыр пандемия туруор диэри сайын аайы үлэлээбитэ .

Балаҕаннаах агро хайысхалаах оскуолатын лааҕыра  18 сыл устата ситимин быспакка үлэлээн кэллэ. Өрөспүүбүлүкэ даҕаны үрдүнэн бачча уһуннук үлэлээн кэлбит лааҕыр биир эмэ баара буолуо .

5272d57d a568 4ac0 b0d4 4e266e497d07

Билиҥҥи туругунан оскуола 30-тан тахса сылгылаах. Өрөспүүбүлүкэ урукку Ил Дархана Е.А. Борисов Балаҕаннаах нэһилиэгин дьаһалтатын туруорсуутун өйөөн, МТЗ-82 тракторы босхо биэрбитэ, атын оттуур техниканы -- мунньары, охсору, оту пресстиир агрегаты -- оскуола бэйэтэ булуммута .

Быйыл төһө даҕаны кырыымчык кыстыгы көрсөн ааспыттарын иһин, Балаҕаннаах оскуолата Олоҥхо ыһыаҕын ыалдьыттарыгар кымыс оҥорон күндүлээбитин таһынан, кымыс өрөспүүбүлүкэтээҕи күрэҕэр оскуола дириэктэрэ С.А. Жендринскэй, А.Н. Адамова-Кымысчыт Альбина, Л.С. Васильева ситиһиилээхтик кыттан, Үөһээ Бүлүү улууһун аатын үрдүктүк ааттатан кэллилэр !

Үлэ дьонугар чиэс , хайҕал , махтал буоллун !

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23