Арассыыйа сэбилэниилээх күүстэрин Генеральнай ыстаабын НР 2023 бэс ыйын НР 308/1/6895 ыйыы ирэбилин толорорго, итиэннэ гражданнары хантараагынан байыаннай сулууспа кэмигэр уонна хаачыстыбыннайдык сүүмэрдиир сыалтан, хантарааҕынан сулууспаҕа дьахтар аймаҕы ылыы тэрилиннэ.
Раиса Михайловна билиһиннэрбитинэн, дьахталлар радиотехническэй тэриллэри, араадьыйа сибээһин олохтооһуҥҥа, автоматизированнай тиһиги салайыыга, матырыйаалынай-тиэхиньиичэскэй хааччыллыы (ол иһигэр ас-үөл) чааһыгар, ону тэҥэ мэдиссиинэ идэлэрин кытта сибээстээх байыаннай дуоһунастарга үлэлиэхтэрэ. «Мэдиссиинэ идэлээх гражданнары байыаннай хантараагынан сүүмэрдээһин 25 уонна 40 Армейскай куорпус тэриллэр мэдиссиинэ үлэһиттэрин эбии ылыы чэрчитинэн ыытыллар», – диэн иһитиннэрэллэр диир Раиса Садыкова.
Байыаннай хантараагынан сулууспа туһунан суруйбучча, эр дьону хантараак сулууспатыгар ылыы туһунан санаттахха табыллар. Ол курдук, хандьыдаат быһыытынан 59-гар диэри саастаах, саппааска сылдьар эр дьону, сорох түгэҥҥэ 65-гэр диэри саастаах, доруобуйаларын туругунан байыаннай сулууспаҕа сөп түбэһэр “А”, “Б”, “В” категориялаах, 9 кылаастан намыһаҕа суох үөрэхтээх дьону көрөллөр. Билигин анал байыаннай дьайыыга кыттар сулууспалаахтарга көрүллэр төлөбүр 204 тыһ. солк. үөһэ суумаҕа тэҥнэһэр. Ону тэҥэ, хантараагынан байыаннай сулууспаҕа киирбиттэргэ биир кэмнээх федеральнай уонна өрөспүүбүлүкэтээҕи төлөбүр көрүллэр.
Биир сылтан үөһэ хантараак түһэристилэр да, 195 тыһ. солк. кээмэйдээх биир кэмнээх төлөбүр ылаллар. Байыаннай сулууспаҕа киирдэххэ, өрөспүүбүлүкэтээҕи төлөбүр бүгүҥҥүтэ 150 тыһ. солк. тэҥнэһэр, онтон байыаннай сулууспалаахтар дьиэ кэргэттэригэр – 200 тыһ. солк.
Санатар буоллахха, Дьокуускай куорат хантараагынан байыаннай сулууспаҕа сүүмэрдиир пууна РФ Сэбилэниилээх күүстэригэр хантараагынан байыаннай сулууспаҕа баҕалаахтары биир сылтан үөһэ болдьоххо ылар.
Саха Сиригэр хантараагынан байыаннай сулууспа боппуруостарын быһаарыыга службапоконтракту14.рф саайт үлэлиир. Электроннай былаһааккаҕа баҕалаахтар онлайн-сайаапка толорон ыытыахтарын сөп. Саайка хантараагынан сулууспа туһунан толору иһитиннэрии, ханнык докумуоннар ирдэннэллэрэ сурулла сылдьар. Маны таһынан, киин куоракка биир кэлим талар пууҥҥа приемҥа суруйтарыахха сөп. Пуун «Абырал» санаторийга тэрилиннэ, сарсыарда 9.00 ч. киэһэ 18.00 ч. диэри үлэлиир. Аадырыһа: Дьокуускай куорат, Сэргэлээх шоссе 11 км, 1 куорп. Ыйытыыларгытын 32-10-40 төл.билсиэххэ сөп.
Хаартыска: ЯСИА
-
0
-
0
-
0
-
0
-
0
-
0
