Оҕо быраастарын IV сийиэһэ аһылынна
Издательский дом Редакция Подписка
Погода в Якутске: . -37 oC

Ил Түмэн Доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин бэрэссэдээтэлэ Владимир Чичигинаров уонна дьиэ кэргэн уонна оҕо аймах дьыалаларыгар бастайааннай кэмитиэтин бэрэссэдээтэлэ Алена Атласова сэтинньи 15 күнүгэр Саха Сирин оҕо быраастарын сийиэһин үөрүүлээх аһыллыытыгар кытыннылар.

Ил Түмэн Доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин бэрэссэдээтэлэ Владимир Чичигинаров уонна дьиэ кэргэн уонна оҕо аймах дьыалаларыгар бастайааннай кэмитиэтин бэрэссэдээтэлэ Алена Атласова сэтинньи 15 күнүгэр Саха Сирин оҕо быраастарын сийиэһин үөрүүлээх аһыллыытыгар кытыннылар.

Тэрээһин ХИФУ «Сэргэлээх уоттара» култуурунай киинигэр буолла. Ил Түмэн аатыттан норуот дьокутааттара педиатрия, мэдиссиинэ сиэстэрэлэрин, педиатрическай сулууспа бэтэрээннэрин, оҕо быраастарын төрдүс сийиэһэ аһыллыбытынан эҕэрдэлээтилэр.
Норуот дьокутаата Алена Атласова өрөспүү­бүлүкэҕэ оҕолор доруобуйаларын харыстааһыҥҥа мэдиссиинэ көмөтүн оҥорууга быһаччы бырааптара сокуонунан мэктиэлэнэрин эттэ. Сокуон барылын көҕүлээһинэ бэһис ыҥырыылаах норуот дьокутаата буолан үлэлииригэр киллэриллибитэ. Маннык нуорма билигин «Оҕо быраабын туһунан» СӨ сокуонугар бигэргэммитэ. Сөптөөх көннөрүүнү норуот дьокутааттара алтынньы 25 күнүнээҕи пленарнай мунньахха ылыммыттара.

2
«Убаастабыллаах быраастарбыт! Эһиги таһымҥытыттан, маастарыстыбаҕытыттан, эппиэтинэскититтэн, үтүө сыһыаҥҥытыттан бу нуорма биһиги өрөспүүбүлүкэбитигэр хайдах үлэлиэхтээҕэ тутулуктанар», — диэн тоһоҕолоон бэлиэтээтэ Алена Атласова. Парламентарий оҕо быраастарын төрдүс сийиэһин кыттыылаахтарыгар инники күөҥҥэ сылдьалларыгар уонна оҕолор доруобуйаларыгар кыһамньыларын иһин махталын биллэрдэ.

3
Сис кэмитиэт бэрэссэдээтэлэ Владимир Чичигинаров педиатр идэтэ оҕо доруобуйатын чөлүгэр түһэриигэ бары билиилэрин-көрүүлэрин биэрэр биир саамай гуманнай уонна үтүө идэлэртэн биирдэстэрэ буоларын бэлиэтээтэ. «Маннык тэрээһин төрдүс төгүлүн ыытыллар уонна өрөспүүбүлүкэ бу хайысхаҕа күүстээх, бэлэмнээх педиатрдарынан, профессионалларынан аатырарынан олус үөрдүм. Сийиэскэ таһаарыылаах, конструктивнай үлэттэн туһалаах уонна наадалаах быһаарыылары ылыыга, оҕо харыстабылын дьыалатыгар тирээн турар суолталаах боппуруостары быһаарыыга саамай истиҥ баҕа санаалары тутуҥ. Барыгытыгар доруобуйаны, дьолу, этэҥҥэ буолууну баҕарабын», — диэн эҕэрдэлээтэ норуот дьокутаата.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости