Сүрүн сорук -- ыччаты патриоттуу иитии
Издательский дом Редакция Подписка
Погода в Якутске: . 25 oC

Бүгүҥҥү күҥҥэ бүрүүкээбит балаһыанньа оҕону дойдутугар бэриниилээх гына иитэргэ туһаайда.

Манан сиэттэрэн, СӨ Уопсастыбаннай палаатата уонна СӨ Үөрэххэ уонна наукаҕа министиэристибэтэ «Уларыйа турар уопсастыбаҕа ыччат уонна оҕолор тус социальнай сүрүннэрин бигэргэтии» диэн төрөппүт киэҥ ыҥырыылаах улахан мунньаҕын тэрийэн ыыттылар.

Бүгүҥҥү күҥҥэ бүрүүкээбит балаһыанньа оҕону дойдутугар бэриниилээх гына иитэргэ туһаайда.

Манан сиэттэрэн, СӨ Уопсастыбаннай палаатата уонна СӨ Үөрэххэ уонна наукаҕа министиэристибэтэ «Уларыйа турар уопсастыбаҕа ыччат уонна оҕолор тус социальнай сүрүннэрин бигэргэтии» диэн төрөппүт киэҥ ыҥырыылаах улахан мунньаҕын тэрийэн ыыттылар.

Тэрээһиҥҥэ өрөспүүбүлүкэ төрөппүттэрин түмсүүлэрэ, уопсастыбаннай тэрилтэлэр, олохтоох бэйэни салайыныы уорганнарын уонна СӨ толоруулаах былааһын бэрэстэбиитэллэрэ кытыннылар.

Модератордарынан СӨ Уопсастыбаннай палаататын наукаҕа, үөрэҕириигэ уонна патриотическай иитиигэ хамыыһыйатын бэрэссэдээтэлэ Вера Жерготова, Дьиэ кэргэн социальнай өйөбүлүн уонна сыаннастарын көмүскүүр ассоциация Саха Сиринээҕи салаатын эрэгийиэннээҕи бэрэстэбиитэлэ, СӨ төрөппүттэрин сэбиэтин бэрэссэдээтэлэ Семен Иванов буоллулар.

Үс тыһыынча кэриҥэ киһи кытынна

Мунньах түөрт түһүмэххэ арахсан үлэлээтэ. Эспиэрдэр, педагогическай, уопсастыбаннай түмсүүлэр салайааччылара, судаарыстыбаннай структуралар бэрэстэбиитэллэрэ, төрөппүттэр тыл эттилэр, оттон төрдүс салаа “ыйытыы-хоруй” киэбинэн ыытылынна.

Үөрэх миниистирин солбуйааччы Владимир Тихонов, М.К.Аммосов аатынан Хотугулуу-Илиҥҥи федеральнай университет бэрэсидьиэнэ Евгения Михайлова, Ил Түмэн дьокутаата Феодосия Габышева, Дьокуускай куорат баһылыга Евгений Григорьев, СӨ аҕаларын Лигатын бэрэссэдээтэлэ Айхал Габышев, “Арассыыйа ийэлэрэ” эрэгийиэннээҕи түмсүүтүн бэрэссэдээтэлэ Прасковья Борисова, СӨ оҕо быраабыгар боломуочуйалааҕа Туйаара Васильева уо.д.а. дакылааттаатылар.

родсобрание бры

Манна даҕатан эттэххэ, 100 кыттааччы регистрацияны ааһан, аактабай саалаҕа киирбитин таһынан, РЦИТ былаһааккатыттан 50 туочука холбонно. Ютуб ханаалынан 2700 киһи онлайн көрдө-иһиттэ. Олор истэригэр өрөспүүбүлүкэ 25 улууһуттан, дойду 64 куоратыттан киирбиттэрэ бэлиэтэннэ. Ордук элбэх киһи Дьокуускайтан, Амма, Бүлүү, Кэбээйи, Мэҥэ Хаҥалас, Мииринэй, Нам, Ньурба, Сунтаар, Таатта, Хаҥалас, Уус Алдан улуустарыттан кытынна.

Информационнай сэрииттэн көмүскүөххэ

Тыл бастакынан СӨ Уопсастыбаннай палаататын бэрэссэдэтэлэ Николай Бугаевка бэрилиннэ.

родсобарние бугаев

Кини бүтэһик ыйдарга буола турар быһыы-майгы, бэлиитикэ балаһыанньатын сырдатта. Маныаха Уопсастыбаннай палаата чилиэннэрэ Донбасстан куотан кэлбит дьоҥҥо хайдах көмөлөспүттэрин, Луганскай уонна Донецкай норуодунай өрөспүүбүлүкэлэр олохтоохторугар хомуллубут гуманитарнай көмөнү, Москубанан эргитэн, байыаннай дьайыылар буола турар сирдэригэр хайдах тиэрдибиттэрин туһунан кэпсээтэ.

--Бу күннэргэ бары биир сомоҕо буоларбыт ирдэнэр. Тас дойдулар  соруйан куорҕаллыы сатаан, уопсастыбаны, ыччаты бутуйар, өйдөрүн-санааларын уларытар, дойдуларыгар утары туруорар провокационнай информацияны ыыта сатыыллар, ону киллэриэ суохтаахпыт.

 Оҕолорбут – бу биһиги олохпут саамай сүрүн баайа. Хас биирдии төрөппүт оҕотун кыра эрдэҕиттэн алаһа дьиэтин, оонньообут тиэргэнин, улааппыт түөлбэтин, төрөөбүт дойдутун таптыыр патриот гына иитэрэ сүрүн сыалбыт буолар. Ол туһуттан алын кылаастартан дойду историятын үөрэтэр сөптөөх быһаарыы дии саныыбын.

Ый анараа өттүгэр СӨ Уопсастыбаннай палаатата Чурапчы улууһугар «Гражданскай өрөбүллэр» диэн бырайыак чэрчитинэн үөрэнээччилэри уонна ыччаты түмэн үөрэппиппит. Байыаннай-патриотическай лиэксийэлэри Саха Сирин байыаннай комиссариатын лектор-преподавателэ Виссарион Дмитриевич Балбахов аахпыта. Уопсайа 100 устудьуон, 39 педагог, итиэннэ түөрт оскуолаттан 280 оҕо кыттыбыта. Маннык тэрээһиннэри нэһилиэнньэ сэҥээрэр уонна, биллэн турар, ыччакка туһата мэлдьэһиллибэт, — диэн Николай Дмитриевич эттэ.

Кини киэҥ хабааннаах информационнай сэрии бара турарын, Арҕаа дойдулартан баттал, күһэйии, ыгыы усулуобуйата олохтоммутун санатта. Онон сибээстээн СӨ Уопсастыбаннай палаатата үлэтин күүһүрдүбүт. “Кэнчээри ыччаппыт барасхан сымыйа сурах, фейковай сонун, араас оруна суох пропаганда “атаакатыгар” улаатан эрэр. Ол иһин кинилэри ити информационнай кимэн киирииттэн көмүскүүргэ, дурда-хахха буоларга төрөппүттэри, педагогтары, уопсастыбаннаһы, ыччат түмсүүлэрин, судаарыстыбаннай структуралары ыҥырабын”, -- диэтэ Николай Бугаев .

История уруогун --  маҥнайгы кылаастан

Үөрэх миниистирин солбуйааччы Владимир Тихонов Саха Сиригэр байыаннай-патриотическай үлэ хаамыытын сырдатта:

-- Араас куонкурустар, уруоктар, тэрээһиннэр ыытыллаллар. Хас биирдии оҕо сайдарыгар, сөптөөх сыаннастары ылынарыгар усулуобуйа тэриллэр. Патриотическай иитиигэ 2022-2027 сыллары хабар бирикээскэ илии баттаммыта, “суоллааҕы каартата” оҥоһулла сылдьар. Аны күһүн хас биирдии оскуолаҕа судаарыстыба символикалара тиэрдиллиэхтэрэ.

 Аныгыскы үөрэх дьылыгар уларыйыылар киириэхтэрэ. Ол курдук, маҥнайгы кылаастан үөрэнээччилэр тулалыыр эйгэ, светскэй этика уруоктарын иһинэн дойдубут историятын үөрэтэн саҕалыахтара. Маныаха араас методическай ньыма туттуллуо, ол иһигэр киинэлэри көрдөрүү эмиэ. Оскуолаларга иитии үлэтигэр эбии 400 штат көрүллэрэ былааннанар.

Владимир Иванович уопсастыбаннай санаалары үөрэтэр бүтүн Арассыыйатааҕы киин (ВЦИОМ) дойду оскуолаларыгар киириэхтээх уларыйыылар тустарынан ыйытынньыгын түмүктэрин иһитиннэрдэ. Ол курдук, эппиэттээбиттэр 67%-нара оскуолаҕа патриотическай иитии баар буолуохтааҕын бэлиэтээбит.

Маныаха үөрэх бырассыаһыгар сонун сүүрээннэри: дойду уонна эрэгийиэн гимнэрин толоруу, үөрэх нэдиэлэтэ саҕаланыыта былааҕы көтөҕүү, Арассыыйа Украинаҕа ыытар анал эпэрээссийэтин сырдатар уруоктары ыытыы, маҥнайгы кылаастан историяны үөрэтии (билигин үөрэх былаанынан история уруога бэһис кылаастан баар) – хайдах сыаналыылларын туоһуласпыттар. Түмүк маннык буолбут: былааҕы көтөҕүүнү 59% өйөөбүт, 24% утарбыт, 13% туттуммут. Украинаҕа буола турар байыаннай дьайыылары сырдатыыны 51% биһирээбит, 37% ылымматах, 5% наадыйбатын биллэрбит. Маҥнайгы кылаастан история предметин киллэрэри 49% сөпсөспөтөх, 42%  “саамай сөп” диэбит, 6% суолта уурбатах.

Урут барыта дьэҥкэ этэ

СӨ оҕо быраабыгар боломуочуйалаах Туйаара Васильева Москубаттан онлайн холбонон тыл эттэ. Кини мунньах Пионерия 100 сылын көрсөр үтүө күнүгэр тэриллибитэ ураты суолталааҕын бэлиэтээтэ.

--Сэбиэскэй кэмҥэ оҕо сайдан иһэр түһүмэхтэрэ дьэҥкэ өйдөнүмтүө этэ. Ол курдук, алын кылаастары октябренок, орто сүһүөхтэри пионерия, улахаттары хомсомуол иитэрэ, суолларын ыйан-кэрдэн биэрэллэрэ. Хас биирдии оҕо кэскили түстүүр улахан хамсааһын сорҕото, модун держава гражданина буоларын өйдүүрэ, онон киэн туттара. Оттон билигин балысханнык уларыйа турар кэмҥэ оҕо бэйэтин тус суолун тобулара уустуктанна. Эҥин араас сымыйа, дьиибэ, солуута суох информация тастан Интэриниэт ханаалларынан тохтоло суох киирэ турар. Олор ыччаты биһиги норуоппут өйдөөбөт сыаннастарыгар үөрэтэллэр, дьиэ кэргэн укулаатын урусхаллыыллар, дойдуларыгар утары туруораллар, Арассыыйаттан көһөн барарга туһаайаллар.

Туйаара Валерьевна билигин Москубаҕа РФ Бэрэсидьиэнин иһинэн оҕо быраабыгар боломуочуйалаах М.А. Львова-Белова тэрийиитинэн “Дойдубут оҕолорго ананар” диэн тэрээһин буола турарын туһунан кэпсээтэ. Ыарахан балаһыанньаҕа түбэспит оҕолору өйөөһүн боппуруостарыттан саҕалаан, исписэлиистэри хайдах бэлэмниир туһунан кэпсэтиилэргэ тиийэ хабан дьүүллэһэ сылдьаллар эбит.

Дьокуускай куорат баһылыга, бэйэтэ эмиэ элбэх оҕолоох аҕа Евгений Григорьев Арассыыйа олохтоохторун утары ыҥырыылар социальнай ситимнэринэн тарҕаналлара кэлиҥҥи кэмҥэ элбээбитин бэлиэтээтэ.

родсобрание мэр

--Онон биһиги кэлэр кэскилбит туһугар сомоҕолоһуох тустаахпыт, дойдубутун көмүскүүргэ бэлэм буолуохтаахпыт. Бүгүҥҥү мунньах түмүгүнэн оҕону патриотическай иитиигэ саҥа толкуйдар үөскүөхтээхтэр, ол иһигэр кинилэр бигэ туруктаах киһи буолалларын туһугар тугу оҥорорбутун эмиэ чопчулуохтаахпыт, - диэн сүрүн санаатын эттэ.

Саайт туһалаах буолуохтаах

М.К.Аммосов аатынан Хотугулуу-Илиҥҥи федеральнай университет бэрэсидьиэнэ, Арассыыйа үөрэххэ академиятын академига, педагогическай наука дуоктара, психологическай наука хандьыдаата Евгения Михайлова билиҥҥи кэмҥэ уһулуччу суолталаах улахан мунньах тэриллибитигэр махтанан туран, төрөппүттэр көрдөһүүлэринэн ыытыллыбыт ырытыыны билиһиннэрдэ.

-- Сахабыт Сирин оскуолаларын саайтарыгар киирэн, патриотическай иитиигэ төһө болҕомто ууралларын, маныаха докумуоннар, балаһыанньалар толоруллууларын чинчийдибит. Хомойуох иһин, үөрэтиллибит оскуолалар саайтарыгар докумуоннар ситэтэ суохтар, биитэр киһи сатаан да булан ылбат паапкатыгар угуллан сыталлар эбит. Үксүн кылгас сонуннарынан уонна локальнай аахталарынан муҥурданаллар. Бу улуус эрэ оскуолалара баар көстүү буолбатах, оннооҕор өрөспүүбүлүкэ тумус туттар, киэн туттар Аартыка норуоттар икки ардыларынааҕы оскуолатыгар кытта маннык балаһыанньа. Оттон бары билэрбит курдук, аныгы олоххо докумуона суох туох даҕаны оҥоһуллубат, чопчулаатахха, систиэмэтэ суох ыһыллаҕас буолар. Онон бу боппуруоска болҕомто ууруллара, кырдьык, уолдьаспыт. Хата, ыраах Тиксии 2-с нүөмэрдээх оскуолата үлэтигэр болҕомтолоох эбит. Докумуоннара барыта ырылыччы көстө сылдьара үөртэ. Ханнык баҕарарк иһи киирэн ааҕыан, билсиһиэн сөп.

Аны туран, саайтар матырыйаалларын киирэн көрүү метриката отой намыһах. Баара-суоҕа 500-600 эрэ буолар эбит. Ол төрөппүттэр оскуола олоҕун интэриэһиргээбэттэрин бэлиэтэ дуу, биитэр төрөппүтү кытары үлэ ситэтэ суоҕуттан эбитэ дуу?..

Евгения Исаевна норуот педагогикатыгар тохтоото. “Өбүгэ оҕону иитэр үгэһин, ньымаларын оҕолорбутугар, ыччаппытыгар тиэрдиэхтээхпит. Умнуллуо суохтаах. Ол иһигэр дьиэ ис-тас үлэтигэр уһуйуу, булка-алка, сүөһүгэ сыһыарыы, олоххо баары көрдөрөн улаатыннарыы”, -- диэтэ.

 

Норуот педагогикатыгар тирэҕирэн

Ил Түмэн нуакаҕа, үөрэххэ, култуураҕа, маассабай иһитиннэрэр-көрдөрөр сириэстибэлэргэ уонна уопсастыбаннай тэрилтэлэргэ сис кэмитиэтин бэрэссэдээтэлэ Феодосия Габышева пионерия бэйэтин кэмигэр оҕону иитиигэ улахан оруоллааҕын, үчүгэй патриотическай оскуола буоларын санатта.

--Норуот педагогиката инники күөҥҥэ сылдьыахтаах. Көстөкүүн Чиряев, Виктор Алданскай, Геннадий Волков курдук норуот педагогикатын сайыннарбыт үтүө дьон үлэлэрин иитэр үлэҕэ туһаныахпытын наада. Саха Сиригэр оҕону иитии үтүө үгэс быһыытынан барар. Ол култуурунай, духуобунай, дьиэ кэргэн сыаннастарын өрө тутууттан, ону оҕоҕо тиэрдииттэн силистээх-мутуктаах.

Маны тэҥэ Феодосия Васильевна ааспыт сыллар уһулуччулаах учуонайдарын үлэлэрин сөргүтэргэ ыҥырда. Холобур, педагогическай наука дуоктардара Дмитрий Алексеевич Данилов, Николай Дмитриевич Неустроев, Иосиф Семенович Портнягин уо.д. а. научнай чинчийиилэрин.  

Бу күннэргэ элбэх федеральнай таһымнаах мунньахтарга кыттыыны ылбытын кэпсээтэ. Ол туһунан хаһыаппыт ааспыт нүөмэригэр суруйан турабыт. Госдума тэрийбит агроэкологическай үөрэхтээһин “төгүрүк остуолугар” туруорсуутун өрөспүүбүлүкэ олохтоохторо биһирээбиттэрин саайпытыгар суруйан хааллардылар.

Аны, пионерия 100 сылынан, оҕо ситимнээх биир сомоҕо хамсааһынын тэрийиини ырытыспыттар.  

--Бу биһиэхэ сонун буолбатах. Өссө 2012 сыллаахха Ил Дархан Егор Борисов көҕүлээһининэн Саха Сиригэр “Дьулуур” оҕо биир сомоҕо хамсааһына тэриллибитэ. Бэрэссэдээтэл Геннадий Охлопков күүскэ үлэлээн, өрөспүүбүлүкэ үөрэнээччилэрин түмэн, киэҥ далааһыннаах үлэ барбыта. Ол эрээри Арассыыйа үрдүнэн билиҥҥэ диэри суолдьут сулус оҥостор лиидэр тэрилтэбит суох. Бу салааҕа үлэ салҕаныахтаах, күүһүрүөхтээх, иккис тыыны биэрэр уолдьаста,  -- диэтэ.

Национальнай кэнсиэпсийэнэн ылыллыбыт “Эркээйи” бырагыраама  хаттаан сөргүтүллүбүтүн бэлиэтээтэ. Докумуонун хас биирдии оскуола ылан, үөрэтэн, ырытан, олоххо киллэрэр кэмэ кэлбит.

Норуот дьокутаата үөрэх кыһаларыгар дириэктэр иитэр үлэҕэ солбуйааччытын функционалын саҥардарга ыҥырда. “Ол курдук, кинилэр оҕону эрэ кытары буолбакка, төрөппүтү кытары ыкса ситими олохтоон, ыкса үлэлэһиэхтээхтэр. Маныаха кадеттар оскуолалара холобур буолуон сөп. Кинилэр патриотическай иитиигэ улахан болҕомтону уураллар”, -- диэтэ.

Кэлэр үөрэх дьылыгар саҥа ФГОС ирдэбиллэрэ олоххо киириэхтээхтэр. Маныаха ирдэнэр предметтэри кытары хайдах эбии үөрэхтээһин силбэһэрэ, төрөппүттэри кытары үлэ ситимнэһэрэ чопчулана илигин бэлиэтээтэ.

“Үлэнэн иитии” диэн сүрдээх үчүгэй өйдөбүл сүппэтигэр, уопсастыбаҕа туһалаах үлэ диэни сөргүтэргэ, сокуоҥҥа бу чааһыгар уларытыылары киллэрэргэ үлэлэһэрин эттэ.

--Ол “Саха Өрөспүүбүлүкэтигэр үөрэх туһунан” сокуону, бастатан туран, таарыйара биллэр. Маны тэҥэ ити өйдөбүлүнэн оҕо дьарыктаах буолуутун, итиэннэ тыа хаһаайыстыбатын сокуоннарыгар уларытыылары киллэриэххэ сөп. Оттон үлэ сокуонун туһунан этэр буоллахха, дьокутааттар волонтерскай уонна баҕа өттүнэн үлэ туһунан сокуону олоххо киллэрэн тураллар, -- диэн чопчулаата.

Феодосия Васильевна оҕону иитиигэ духуобунас эмиэ улахан суолталааҕын ыйда. Маныаха ситимнээх, дириҥ ис хоһоонноох, киэҥ хабааннаах тэрээһини бииргэ толкуйдуурга ыҥырда.

Төрөппүтү кытта үлэ күүһүрүөхтээх

Дьокуускай куорат уокуруктааҕы дьаһалтатын үөрэххэ управлениетын саҥа анаммыт начаалынньыга Мария Петрова салгыы тылы ылла.

Манна даҕатан эттэххэ, бу дуоһунаска кини үлэлээбитэ нэдиэлэ эрэ буолла. Бу иннинэ Оҕо дыбарыаһын дириэктэрэ этэ. Педагогическай наука хандьыдаата. Элбэх оҕолоох ийэ буоларынан, итиэннэ эбии үөрэхтээһин эйгэтигэр өр сылларга үлэлээбит буолан, оҕо иитиитигэр улахан интэриэстээҕэ чахчы.

--Мин бүгүн үөрэҕирии систиэмэтигэр настаабынньык буолбут дьон дакылааттарын олус сэҥээрэ иһиттим. Кырдьык, төрөппүтү кытары ыкса ситимнээх үлэ олохтоноро биһиэхэ инники күөҥҥэ сылдьыахтаах. Төрөппүттэр үөрэҕирии бырассыаһын биир сүрүн кыттыылаахтара буолаллар. Төрөппүт өйөбүллээх үлэ хаһан баҕарар таһаарыылаах, үрдүк көрдөрүүлээх буолар. Онон инникитин бу салааҕа үлэ күүһүрүөхтээх.

Мария Петровна оҕо киһи быһыытынан сайдыытыгар тулалыыр эйгэтэ, улахан дьон сабыдыала, тус холобурдара улахан суолталаахтарын санатта. Ол курдук, Сайсары күөлүгэр турар Ийэ скверин тупсаран оҥороору, куорат дьаһалтата “Куорат табыгастаах эйгэтин тэрийии” диэн федеральнай бырайыакка кытта сылдьарын сырдатта. Ону өйөөн, бары куоластааһыҥҥа көхтөөхтүк кытталларыгар туһаайда. “Элбэх куолаһы ылан, бырагыраамаҕа хапсан, харчы ылан, бу сквери оҥордоххо, ол Ил Дархан Айсен Николаев биллэрбит Ийэ сылынан куораппытыгар улахан бэлэх, ийэҕэ, төрөппүккэ, дьиэ кэргэҥҥэ ураты сыһыаммыт биир махталлаах көстүүтэ буолуо этэ”, -- диэтэ.

Аныгыскы үөрэх дьылыттан куорат оскуолаларыгар дириэктэрдэр иитэр үлэҕэ сүбэһиттэрдээх буолаллар эбит. Билиҥҥитэ организатордардар да тиийбэттэрин бэлиэтээтэ. Кинилэр оҕо хамсааһынын сүрүннүөхтээхтэр.

Дьокуускай куоракка Арассыыйа үөрэнээччилэрин хамсааһыныгар Сэбиэт тэриллибит. Салайааччынан Дьокуускай баһылыга Евгений Григорьев бэйэтэ буолбутун эппитигэр, ытыс дохсун тыаһа ньиргийдэ. “Оччотугар куорат мээрин тус хонтуруолунан уонна кыттыытынан оҕо хамсааһына өрөспүүбүлүкэбит киинигэр сайдыа”, -- диэн түмүктээтэ.

 

Аһаҕас сурук

Мунньах уопсайа 3 чаастан ордук уһуннаах кэм ыытылынна. Дириҥ ис хоһоонноох толкуйдатар кэпсэтии таҕыста.

СӨ Уопсастыбаннай палаатата төрөппүт киэҥ ыҥырыылаах маннык улахан мунньаҕын сылын ахсын ыытар былааннааҕын эттэ. Маныаха буоларын курдук, толорор былаас бэрэстэбиитэллэрэ, олохтоох бэйэни салайыныы уорганнарын үлэһиттэрэ, уопсастыбаннай түмсүүлэр кыттыыны ылыахтара.

Бу сугулаан түмүгүнэн төрөппүттэр түмсүүлэригэр аһаҕас суругу ыыттылар. Маны хайдах баарынан бэчээттиибит:

ОТКРЫТОЕ ПИСЬМО

«Педагогическую, научную, родительскую общественность сегодня объединило Большое родительское собрание – масштабное мероприятие, организованное Общественной палатой Якутии и Министерством образования и науки РС(Я).

Участников Большого родительского собрания не случайно связала одна общая тема: «Формирование социальной идентичности детей и молодежи в изменяющемся обществе». Вдумайтесь в каждое слово. Что такое социальная идентичность в наше время, когда по сути со всех сторон против России ведется «необъявленная война»? Когда нужно выстоять во что бы то ни стало. Выстоять ради наших потомков, ради нашего светлого будущего и мирного неба над головой.

Наша молодежь — школьники, учащиеся колледжей и лицеев не должны слепо следовать западной идеологии, которая направлена на разрушение наших традиционных ценностей, на уничтожение нашего национального самосознания, нашей многогранной многовековой культуры. Об этих важных вещах говорили с трибуны Большого родительского собрания его участники — те, кто ответственен за наших детей.

Как защитить нашу страну, ее многонациональный народ от информационной войны, прессинга, который льется со страниц в социальных сетях, изо всех ресурсов? Ответ прост и сложен одновременно. Мы должны опираться на наше подрастающее поколение. Молодежь должна идентифицировать себя с Россией — страной с развитой культурой, образованием, экономикой, промышленностью, обладающей большим инвестиционным потенциалом.

У России свой путь, отличный от навязанных псевдоценностей. Ради такой высокой цели наши дети будут расти и развиваться как полноценные личности — об этом должны помнить родители и педагоги. Ложь Запада для подрастающего поколения России неприемлема.

Замечательные слова сказал в ежегодном Послании Государственному Собранию (Ил Тумэн) Глава Республики Саха (Якутия) Айсен Николаев: «В условиях внешнего давления на нашу страну, попыток переписать историю России, Второй мировой войны очень серьезно стоит вопрос патриотического воспитания школьников и молодежи. Ценности настоящего патриотизма и духовной культуры должны стать основой жизненного успеха молодого поколения».

Большое родительское собрание поставило своей целью воспитание убежденного патриота, любящего свою Родину, преданного Отечеству, готового служить ему своим трудом и защищать его интересы. Других целей у нас быть просто не может.

Итоги Большого родительского собрания-2022 будут подготовлены Общественной палатой Якутии, их получат все педагогические и образовательные учреждения.

***

Мунньах түмүгүнэн эрэкэмэндээссийэлэр оҥоһулуннулар. Ону былаас уонна олохтоох салайыныы уорганнарыгар тиэрдиэхтэрэ. Итини таһынан мунньахха тыл эппит дьон дакылааттарын түмэн, өҥнөөх буклеты бэчээттэтэн таһааран тарҕатыахтара.

Кэлэр төрөппүт мунньаҕа бу сайын атырдьах ыйыгар буолара күүтүллэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости