Тыа сирин олохтооҕун укулаата, олоҕо-дьаһаҕа уратылаах, үгүс уустуктардаах, онон дьахтар барахсан санныгар элбэх эппиэтинэс сүктэриллэр. Итини барытын чиэстээхтик сүгэр тыа сирин дьахтара, далбар хотуна! Судаарыстыба өттүттэн эһигини көмүскүүр, өйүүр араас чэпчэтиилэр баар буоллулар, тыа сирин өрө тардар, тупсарар бырагыраамалар олоххо киирдилэр, үбүлээһин улаатар.
- Саха Өрөспүүбүлүкэтигэр нэһилиэнньэ 34 %-а тыа сиригэр олорор.
- АПК тиһигэр киирэр 148 тэрилтэни дьахталлар салайаллар.
- Нэһилиэктэргэ тыа хаһаайыстыбатын исписэлииһин 52 %-а -- кэрэ аҥаар.
- Туруктааахтык үлэлиир 2204 бааһынай хаһаайыстыба баарыттан -- 678-ын дьахталлар баһылыыллар.
Бастыҥ уопсастыбанньыктар, салайааччылар, ускуустуба, култуура маастардара, учуонайдар, бэлиитиктэр -- эмиэ тыа сириттэн силис-мутук тардан тахсыбыт дьахталлар буолаллар. Эһиги кыһамньыгытыттан, уҕараабат баҕа санааҕытыттан, или-эйэни түстүүр сырдык ыраҕытыттан тыа сирин хас биирдии түөлбэтэ саҥалыы тыыннанан, кэнэҕэски кэскиллэнэн олорор.
Бу бэлиэ күҥҥүтүнэн итиитик-истиҥник эҕэрдэлээн туран, баҕарыам этэ быр-бааччы олоҕу, чэгиэн-чэбдик ыччаты, түмсүүлээх дьиэ кэргэни, этэҥҥэ буолууну!
Андрей НАХОДКИН, норуот дьокутаата,
Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ.
Хаартыскаҕа: аатырбыт ыанньыксыт, "Аҕа дойду иннигэр үтүөлэрин иһин" уордьан IV истиэпэннээх кавалера, Саха АССР тыа хаһаайыстыбатыгар судаарыстыбаннай бириэмийэтин лауреата, СӨ тыатын хаһаайыстыбатын үтүөлээх үлэһитэ, Амма улууһун уонна Бөтүҥ нэһилиэгин Бочуоттаах гражданина Аграфена Сутакова.
-
1
-
0
-
0
-
0
-
0
-
0
