Чэгиэн-чэбдик доруобуйаны, дьолу-соргуну, табыллыыны баҕарабыт. Ылсыбытыҥ ыпсан, санаабытыҥ сатанан истин!
Истиҥ эҕэрдэни кытары «Ил Түмэн» издательскай дьиэ кэллэктиибэ.
Ыспыраапка:
Мария Егоровна Емельянова 1957 сыллаахха, атырдьах ыйын 22 күнүгэр Мэҥэ Хаҥалас улууһугар Мэлдьэхси Суолатыгар төрөөбүтэ. Ийэтэ Изабелла Георгиевна Кириллина төрдө Таатта Чөркөөҕө (кини ийэтэ Прасковья Васильевна Босикова суруйааччы Анемподист Иванович Софронов ииппит кыыһа). Аҕата Егор Давыдович Колесов төрүт-уус Суола. Төрүттэрэ эмиэ биллэр-көстөр дьоннор, аҕата Сэбиэскэй Сойуус Дьоруойа Федор Кузьмич Попов эһэтин кытары бииргэ төрөөбүттэр.
Орто оскуола кэнниттэн Мария Новосибирскайга үөрэммитэ. Хаҥаластан төрүттээх Иван Емельяновка кэргэн тахсыбыта. Иван Софронович идэтинэн тутааччы, биллэр-көстөр киһи, өрөспүүбүлүкэтээҕи «Үтүө дьыала» хамсааһыны салайбыта. Билигин бочуоттаах сынньалаҥҥа олорор. Емельяновтар оҕолоро бэһиэн ыал ийэтэ-аҕата буолбут дьоһун дьоннор, уолаттара үһүөн аармыйаҕа сулууспалаабыттара.
Саллааттар уонна мотуруостар төрөппүттэрин өрөспүүбүлүкэтээҕи кэмитиэтигэр Мария Егоровна 1990-с сыллартан үлэлиир, 2008 сылтан күн бүгүҥҥэ диэри бэрэссэдээтэллиир. Биир дойдулаахтарбыт сулууспалыыр байыаннай чаастарыгар уонна Анал байыаннай дьайыы саҕаланыаҕыттан арҕаа сылдьан, үгүс киһиэхэ көмөлөстө, көмөлөһө сылдьар.
Мария Егоровна Емельянова Саха Өрөспүүбүлүкэтин Уопсастыбаннай Балаататын чилиэнэ, Мэҥэ Хаҥалас улууһун Бочуоттаах олохтооҕо, «Гражданскай килбиэн» бэлиэ туһааннааҕа.
Хаартыскалар: эрэдээксийэ архыыбыттан.
-
4
-
1
-
0
-
0
-
0
-
1
