– От ыйын 18 күнүгэр Орто Халыма улууһун Сылгы ыытар сэлиэнньэтигэр хаарбах тимири, сүрүннээн урукку Сэбиэскэй былаас саҕанааҕы массыына куусаптарын, хомуйуу үлэтэ ыытыллыбыта. Аахсыйаҕа 1,5 гектардаах сиртэн 10 туонна хаарбах тимир хомуллубута, – диэтэ Бырабыыталыстыба Бэрэссэдээтэлин солбуйааччы Ольга Балабкина.
Бу аахсыйаҕа 16 киһи, бары олохтоох тэрилтэлэр, ол иһигэр «ОДьКХ» СУТ, суол тэрилтэтин, Биэлсэр-акушер пуунун уонна И. Бекренев биирдэм тэрилтэтин үлэһиттэрэ кыттыбыттар. Санатан эттэххэ, «Ыраас Аартыка» федеральнай бырайыагынан быйылгы сыллаах үлэни саҕалыыр туһунан «Муус устар – 2025» ыччат бэстибээлигэр Ил Дархан Айсен Николаев уонна бырайыак салайааччыта Андрей Нагибин биллэрбиттэрэ. Бырайыак түөрт түһүмэҕин түмүгүнэн, өрөспүүбүлүкэ үтүө көмөһүттэрэ 35 гектардаах сиртэн 1 600 туонна хаарбах тимири хомуйдулар диэн Ил Дархан уонна Бырабыыталыстыба пресс-сулууспата иһитиннэрэр.
Хаартыска: Ил Дархан уонна Бырабыыталыстыба саайтыттан.
-
0
-
0
-
0
-
0
-
0
-
0
