Мунньахха Саха Өрөспүүбүлүкэтин Счетнай палаататын бэрэссэдээтэлэ Алена Федорова дакылаат туруорда:
-- Саха Сиригэр хотуруоллуур-суоттуур уорганнар (КСО) анал федеральнай сокуон олоххо киириэн инниттэн үлэлииллэр. Аан маҥнайгы хонтуруоллуур уорган Дьокуускайга 2004 сыллаахха, салгыы 2005-2010 сылларга өрөспүүбүлүкэ араас муннуктарыгар өссө эбии 8 филиал тэриллибитэ. Итиннэ гынан, бу 9 тэрилтэ Саха Сирин Суоттуур палаататын тэриллиэн инниттэн үлэлэлэрин саҕалаабыттара.
Муниципальнай тэриллиилэр бэрэстэбиитэллээх уорганнара үбү тастан хотуруоллуур уорганнары тэрийэр эбээһинэстээхтэр, кинилэргэ көмө буолалларын өйдүүлэр. Бүгүҥҥү күҥҥэ өрөспүүбүлүкэ үрдүнэн 146 ыстаат тэриллибититтэн, миэстэтигэр 139 киһи үлэлиир. Балартан 13 улууска 1-2 киһи үлэлиир эбит буоллаҕына, 15 улууска 5-тэн 7-ҕэ диэри. Саамай улахан Дьокуускай куоракка баар -- 23 киһи ыстааттаах.
Хонтуруоллуур-суоттуур уорган сүрүн сыала – дьокутааттарга олохтоох дьаһалта үбү сөптөөхтүк туһаныытыгар сыанабылы биэрии. Билиҥҥитэ бары таһымҥа, ол иһигэр өрөспүүбүлүкэҕэ бүддьүөтү былааннааһыҥҥа, үксүн боломуочуйа чааһыгар уонна ону үбүлээһиҥҥэ кыһалаҕалар үөскүүллэр. Маны сэргэ, поселениеларга тас өттүттэн үбү хонтуруоллааһын үксүгэр суох. Сорох улуустар боломуочуйалары улуустаҕы уорганнарга сүктэрбиттэрэ. Сорох улахан улуустар, холобур Ленскэй тыа сирдэрин хотуруоллууртан аккаастаммыттара. Бу сокуонунан хайдах даҕаны бобуллубат. Боломуочуйаларын сорох чааһын эрэ биэрбит уон улуус түмүктүүр быһаарыныыны ылыналлара уолдьаста.
Ааспыт сыл устата хонтуруоллуур-суоттуур уорганнар уопсайа 1123 тэрээһини ыытан 418 киллэрик (представление), сорохторго иһитиннэрии суруктар тиксэриллибиттэр, бэрэбиэркэ түмүгүнэн үксүгэр кэһии тахсыбатах.
Маны сэргэ, 19 улуус тастан үбү хонтуруоллааһын боломуочуйатын СӨ Суоттуур палаататыгар биэрбит. Онно олоҕуран балаата 130 тэрээһини ыыппыт, ол иһигэр 2 хонтуруоллуур, 59 эспиэрдиир-анаалыстыыр.
Улуус уорганнарыгар көмө тиһигин быспакка оҥоһуллар. Квалификация үрдэтиилэрэ, методологическай үөрэтии ыытыллар. Хонтуруоллуур уонна эспиэрдиир-анаалыстыыр тэрээһиннэр араас салааларынан барар, ол иһигэр үөрэҕириигэ, култуураҕа, ОДьКХ салаатыгар.
Хаартыска: Василий Кононов
-
0
-
0
-
0
-
0
-
0
-
0
