Знамяны көрсүү кэрэ бэлиэ түгэнигэр тэрээһин кыттыылаахтарын “Болугур нэһилиэгэ” тыа сирин түөлбэтин баһылыгын солбуйааччы Маргарита Викитярова, М.А. Ноговицын аатынан култуура киинин дириэктэрэ Ульяна Кузьмина, нэһилиэк бэтэрээннэрин сэбиэтин бэрэссэдээтэлин солбуйааччы Анастасия Никифорова уонна нэһилиэк бочуоттаах олохтооҕо, үлэ бэтэрээнэ Мария Софронова эҕэрдэлээтилэр.
“Бу ыытыллар эстафета көлүөнэлэри ситимниир, эдэр ыччаты Аҕа дойдуга бэриниилээх буоларга иитэр, саастаах көлүөнэни убаастыырга, кинилэр олорон кэлбит олохторун маннык түгэннэринэн үйэтитэргэ уонна буолбут түгэннэр тыыннаах туоһулара — бэтэрээннэр иннилэригэр сүгүрүйүү, ытыктабыл бэлиэтэ буолар. Тэрээһиҥнэ кыттыбыт нэһилиэкпит кырдьаҕастарыгар, бэтэрээннэрбитигэр махталбыт муҥура суох. Эстафета түмүктэнэр тэрээһинигэр Кыһыл Знамяны туттарарга Дьокуускай куоракка кыттар баҕа санаатын Мария Васильевна этэн туран, бу Знамя бары 30-с сылтан 70-с сыллар бэтэрээннэрин сыралаах үлэлэрин туоһулуур, билиҥҥи кэмҥэ анал байыаннай дьайыыга сулууспалыыр ыччаттарбытыгар холобур буолар диэн бэлиэтээтэ. Ол кэннэ Знамя иннигэр хаартыскаҕа түстүбүт. Кыһыл Знамя эстафетата салгыы Амма-Наахара нэһилиэгэр айаннаата. Знамяны “Амма Наахара нэһилиэгэ” тыа сирин түөлбэтин баһылыгын солбуйааччы Сахаяна Михайловаҕа уонна нэһилиэк бэтэрээннэрин Сэбиэтин бэрэссэдээтэлэ Марианна Чен туттардыбыт”, — диэн нэһилиэк баһылыгын солбуйааччы Маргарита Михайловна сырдатта.
Сонун төрдө уонна хаартыска: “Амма олоҕо”.
-
0
-
0
-
0
-
0
-
0
-
0
