Дьаарбаҥкаҕа ас-үөл арааһа атыыга баар. Ол иһигэр сибиэһэй эт, балык, олохтоох оҥорон таһаарааччылар үрүҥ астара (арыы, сүөгэй, сыыр), мүөт.
Дьаарбаҥа үс күн устата 10:00 чаастан киэһэ 19:00 чааска диэри үлэлиэ.
Култуурунай бырагыраама чэрчитинэн балаҕан ыйын 26 күнүгэр 14:00 чаастан АГАТУ ипподромугар тыа хаһаайыстыбатын министиэристибэтин бирииһигэр ат сүүрдүүтэ буолуоҕа. Манна 10 муниципалитеттан 30 ат кыттыа. Дистанциялара — 1200, 1600, 2400 уонна 3200 миэтэрэ. Бириис пуондата — 3,9 мөлүйүөн солкуобай.
Маны сэргэ сэминээр, стратегическэй сессия, “Дириэктэр” киинэ сүрэхтэниитэ, кэнсиэр, биисинэс пуорум, куонкурстар ыытыллыахтара.
Хаартыска: Галина МАТВЕЕВА түһэриилэрэ
-
0
-
0
-
0
-
0
-
0
-
0
