Быйылгы быыстапка-дьаарбаҥка балаҕан ыйын 25 күнүттэн 28 күнүгэр диэри киин куоракка, Хомсомуол болуоссатыгар тардыллыаҕа. Онно өрөспүүбүлүкэ табаары оҥорооччулара – бааһынай хаһаайыстыбалар, кэпэрэтииптэр, бөдөҥ астыыр-таҥастыыр хампаанньалар уонна агрооскуолалар кыттыахтара. Киин куорат олохтоохторо, ыалдьыттара кэлэн көрдүннэр, кыстыыр астарын-үөллэрин хааччынныннар диэн быыстапка-дьаарбаҥка биэс күн устата, сарсыарда 10 чаастан киэһэ 19 чааска диэри буолуоҕа. Хас күн ахсын анал бырагырааманан араас култуурунай тэрээһиннэр, «Үрдүк хаачыстыбалаах аһылык бородууксуйатын оҥоруу иһин» куонкуруска сүөһүнү иитиигэ, сиртэн үүнээйини ылыыга уонна астыыр салааҕа бастыҥнар быһаарыллыахтара. Асчыттар сүбэ мунньахтара ыытыллыаҕа. Түмүккэ АГАТУ ипподромугар ат сүүрдүүтэ буолуоҕа.
Тыа хаһаайыстыбатын уонна ас-үөл бэлиитикэтин министиэристибэтэ киин куорат олохтоохторун уонна ыалдьыттарын быыстапка-дьаарбаҥкаҕа кэлэн, кыстыыр астарын хааччыналларыгар ыҥырар.
Хаартыска: эрэдээксийэ архыыбыттан.
-
1
-
0
-
0
-
0
-
0
-
0
