Арассыыйа Сыыппара сайдыытын министиэристибэтэ уонна Үп министиэристибэтэ кыра уонна орто урбаан бэрэстэбиитэллэригэр оҥоһуу өй олоҕурбут Арассыыйа быһаарыыларын атыылаһар, туһанар эбэтэр оҥорор тэрилтэлэргэ түһээн вычетын киллэрэр кыаҕи дьүүллэһэллэр.
Бу көҕүлээһин идэлээх үлэ бөлөҕөр ырытыллыбыта. Билигин министиэристибэлэр ону олоххо киллэрэр кыаҕы уонна үбүлээһин параметрдарын сыаналыыллар. Бу миэрэни ылнар түгэннэригэр, хампаанньалар нолуок ноҕуруускатын сорҕотун кыччатар уонна Арассыыйатааҕы ИИ-сиэрбистэри актыыбынайдык киллэрэр кыахтаныахтара.
«Интерфакс» источник дааннайынан, көннөрүүлэр барылларыгар сылга 200 тыһыынча солкуобайга диэри вычет көрүллүөн сөп, оттон киллэрии көдьүүһэ бигэргэнэр түгэнигэр — 500 тыһыынча солкуобайга диэри. Бу параметрдар билигин дьүүллэһиигэ сылдьаллар.
Арассыыйа Сыыппара сайдыытын миниистирэ Максут Шадаев бэлиэтээбитинэн, бу өйөбүл Арассыыйатааҕы ИИ-быһаарыыларга наадыйыыны көҕүлүөхтээх уонна кыра урбааҥҥа бэйэтин үлэтигэр табыгастаах сиэрбистэри туһанарыгар көмөлөһүөхтээх.
Сонун төрдө уонна хаартыска: Минниноваций Якутии МАКС ханаал.
