Ытык бэтэрээннэрбит Аҕа дойду сэриитин ыар кэмнэрин, аас-туор олоҕу эттэринэн-хааннарынан билбиттэрин туһунан кэпсээбиттэрин оҕолор, кэлбит дьон уйадыйа истэр.
Сэрии толоонугар дьоруойдуу охсуспут, биһиги көлүөнэ көҥүл олоҕун турууласпыт үтүө-мааны дьоммутун ахтан-санаан ааһыахха, кинилэри кэриэстиэххэ. Тыыннаахтар бу бэлиэ даатаны дьоһуннаахтык бэлиэтиирбит, тэрийэн ыытарбыт — ытык иэспит.
Биллибэт саллаат уҥуоҕа
1967 сыл ыам ыйыгар Кремль истиэнэтин анныгар Биллибэт саллаат уҥуоҕа (Могила неизвестного солдата) диэн мемориал аһыллыбыта. Манна Москва иһин кыргыһыыга сырдык тыынын толук уурбут биллибэт саллаат уҥуоҕун аҕалан кистээбиттэрэ. Уҥуоҕу Ленинград шоссетын 41 км турар саллааттар бырааттыы көмүүлэриттэн көһөрбүттэрэ. 1967 сыллаахха бу мемориалга мэлдьи умайа турар уоту Марс хонуутуттан аҕалбыттара. Уоту КПСС Киин Кэмитиэтин генеральнай сэкирэтээрэ Леонид Брежнев умаппыта. Киниэхэ факелы номох буолбут лүөтчүк Алексей Маресьев аҕалан туттарбыта.
-
0
-
0
-
0
-
0
-
0
-
0
