Федот Тумусов олус долгутуулаах үчүгэй куонкурус буолан ааста диир: «Аҕа дойду Улуу сэриитэ үгүс үтүө дьоммутун илдьэ барбыта. Тыыл дьоно ол уустук кэмҥэ дьоруойдуу үлэлээбиттэрэ. Биһиги ийэбит Варвара Алексеевна Ноттосова сэрии тулаайаҕа этэ. Саха норуодунай артыыһа Анастасия Варламова ийэбитигэр анаан «Сэрии тулаайаҕа» диэн ырыаны айбыта. Ол ырыа тылыгар уонна матыыбыгар видеоролигы устууга куонкурус биллэрбиппэр уопсайа 192 киһи кыттыыны ылла.
Куонкуруска өрөспүүбүлүкэ бары муннугуттан кыттыбыттара хайҕаллаах. Бары үлэлэр олус үчүгэйдэр. Төһө да идэтийбит видеооператордар буолбаталлар, олус кыһамньылаах үлэлэри туттубут. Онон жюри таларыгар уустуктардаах этэ. Бэл, бүтүн дэриэбинэлэр, кэллэктииптэр кыттыбыттара олус үчүгэй”.
-
0
-
0
-
0
-
0
-
0
-
0
