- Мин бу сийиэскэ нэһилиэк сэбиэтин бэрэссэдээтэлин быһыытынан кытта сылдьабын. Бэйэм хотугу нэһилиэгим дьонун интэриэстэрин, кыһалҕаларын туруорсабын, көмүскүүбүн. Миэхэ бу сийиэскэ сылдьыы бастакы сырыым буолан, барыта сонун, саҥа диэххэ сөп.
Саҥа дьону, салайааччылары кытта билсиһэ, кэпсэтэ, истэ-көрө сылдьабын. Бастакы күммүтүгэр, бары делегациянан регистрацияламмыппыт, медообследованиены ааспыппыт. Иккис күммүтүгэр "Об актуальных вопросах местного самоуправления в РС(Я)" төгүрүк остуолга кытынныбыт. Элбэх сытыы боппуруостар көтөҕүлүннүлэр.
Эбиэт кэннэ Юрий Гагарин аатынан кииҥҥэ бырабыыталыстыбаннай чаас ыытылынна. Быйыл биһиги Усуйаанабыт бөһүөлэгэр ППМИ бырагырааматынан Арктика бастакы арыйааччыларыгар аналлаах сквер оҥоруохтаах буолан, "Малые закупки" диэн тиэмэни ордук сэҥээрдим.
Олус үчүгэйдик быһааран биэрдилэр. ОДьКХ министиэристибэтин өттүнэн араас эмиэ бырайыактарга туох докумуоннар ирдэнэллэрин сиһилии кэпсээтилэр.
Маны таһынан, үлэтэ суох буолууну аҕыйатарга, бу өттүгэр урбаан эйгэтигэр сөптөөх көмөлөр баалларын үөрэтэн, нэһилиэнньэҕэ сырдатыҥ диэн сүбэлээтилэр.
Быһата, олус туһалаах, кэскиллээх сийиэс буола турар диэн сыаналыыбын.
-
3
-
3
-
0
-
0
-
0
-
0
