Издательский дом Редакция Подписка
Погода в Якутске: . -5 oC

Екатерина Ноговицына, Үөһээ Дьааҥы улууһун Сэбиэтин бэрэссэдээтэлэ:

Екатерина Ноговицына, Үөһээ Дьааҥы улууһун Сэбиэтин бэрэссэдээтэлэ:

- Бу күннэргэ 2-с өрөспүүбүлүкэтээҕи бэрэстэбиитэллээх уорганнар сийиэстэрэ үрдүк таһымнаахтык ыытылла турар. Бука бары тэрийээччилэргэ делегаттар ааттарыттан махтал тылларбын аныыбын.

Биһиги күннээҕи боппуруостарбытыгар, кыһалҕаларбытыгар болҕомто ууруллан, хас биирдии кэлбит кыттааччы анал былаһааккаларга бэйэбит санаабытын хото этиннибит. Сийиэскэ, мунньахтарга этиллибит этиилэр олоххо киирэн, нэһилиэнньэ олоҕо-дьаһаҕа тупсарын туһугар үлэлээтэллэр олус бэрт буолуо этэ. Ордук Арктика эргимтэтигэр олорор, уустук усулуобуйалаах дьоҥҥ үлэһит каадыр өттүгэр болҕомто ууруллара буоллар сайдыы барыыта биллэ тэтимириэ этэ.

Манна муниципальнай уонна судаарыстыбаннай сулууспа үлэһиттэрин хамнастара үрдүүрүн туруорсуу сөптөөх быһаарыныы дии саныыбын.

Биһиги, Арассыыйа Арктическай зонатыгар киирбит эригийиэннэр, бары күүспүтүн, санаабытын Арктика ыраас, харыстабыллаах буолуутугар болҕомтобутун ууруохпутун наада.

Итиэннэ арыгы атыылыыр урбаанньыттарга лицензия биэриигэ хайаан да олохтоох бэрэстэбиитэллээх уорганнар, дьаһалталар сөбүлэҥнэрэ баар буолара тоҕоостоох.

Дойду ис туризма сайдыытыгар Арктика оройуоттара биир ураты миэстэни ылан, дьон сынньанар бары усулуобуйатын тэрийэр, кинилэри кытары чопчу үлэлэһэр уорганнар баар буолаллара наадалаах.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением