Саҥа киин тутуута судаарыстыбаннай-чааһынай партнерство бырагырааматын чэрчитинэн ыытылынна. Тутуу эбийиэгин сметэтин сыаната 1 млрд солк. тахса суумаҕа тэҥнэһэр.
Бурятия норуодунай Хуралын бэрэссэдээтэлэ Владимир Павлов бэлиэтииринэн, маннык эбийиэги тутарга үгүс субъектар парламеннара былаанныыллара эрээри, өрөспүүбүлүкэ баһылыга Алексей Цыденов дьаныардаах туруорсуутунан, саҥа киин Бурятияҕа баар буолла.
«Ядернай мэдиссиинэ киинэ ыарыһахтарга саҥа эрэли үөскэтэр. Урут биһиги дьоммут атын субъектарынан диагностикаҕа уонна эмтэниигэ айанныыр эбит буоллахтарына, билигин маннык наадыйыы суох», - диир Владимир Павлов.
Киин сылга 10 тыһ. чинчийиини ыытар уонна Бурятия олохтоохторун үрдүк таһымнаах диагностиканан хааччыйар. Эбии Забайкалье кыраайа уонна Иркутскай уобалас нэһилиэнньэтин аныгы диагностиканан толору хааччыйарга көмөлөһүөҕэ. Саҥа киин диагностикалыыр мэдиссиинэ көмөтүн оҥоруунан эрэ муҥурдаммакка, аан дойду ыстандаартыгар эппиэттиир радиофармацевтическай эми-тому оҥорон таһаарыаҕа. Билигин тутуллубут киин аныгы технологиялаах сыаналаах оборудованиенан хааччылынна. Тэрилтэ Уһук Илин федеральнай уокурук уонна Сибиирдээҕи федеральнай уокурук субъектарын радиофармпрепараттарынан хааччыйар соҕотох оҥорон таһаарар былаһаакка буолуоҕа.
-
0
-
0
-
0
-
0
-
0
-
0
