Издательский дом Редакция Подписка
Погода в Якутске: . -36 oC

Тохсунньу 1 күнүттэн эрэгийиэңңэ спорка үрдүк түмүктэрии ситиhии иhин спортсменнарга уонна тренердэргэ судаарыстыбаннай ѳйѳбүлү оңоруу саңардыллыбыт бэрээдэгэ үлэлиир диэн СѲ Баhылыгын уонна СѲ Бырабыыталыстыбатын пресс-слууспата суруйар.

Тохсунньу 1 күнүттэн эрэгийиэңңэ спорка үрдүк түмүктэрии ситиhии иhин спортсменнарга уонна тренердэргэ судаарыстыбаннай ѳйѳбүлү оңоруу саңардыллыбыт бэрээдэгэ үлэлиир диэн СѲ Баhылыгын уонна СѲ Бырабыыталыстыбатын пресс-слууспата суруйар.

Спортивнай ситиhиилэр иhин ѳйѳбүлү кэңэтиигэ, ордук оҕо уонна ыччат спордугар, соругу бэйэтин Туhаайытыгар Саха сирин Баhылыга Айсен Николаев туруорбута.

Кэңэтиллибит испииhэккэ 18-ттан үѳhээ саастаах юниордар уонна юниоркалар ортолоругар первенстволар, күүстээх спортсменнар ортолоругар Бүтүн Арассыыйатааҕы спартакиада, «Дети Азии» норуоттар икки ардыларынааҕы спортивнай оонньуулар уонна ыччат олимпийскай оонньуулара киирдилэр.

Биир кэмнээх наҕараада тѳлѳбүрүн Саха сирин территориятыгар тѳрѳѳбүт уонна (эбэтэр) эрэгийиэңңэ бастайааннай пропискалаах олохтоохторунан буолар спортсменнар уонна кинилэр тренердэрэ ылыахтарын сѳп. Бииргэ спортивнай бэлэмнэниини ааhар туhунан дуогабардары түhэрсибит спортсменнарга эмиэ тѳлѳбүр кѳрүллэр.

Спортсменнарга бириэмийэ үлэлиир судаарыстыбаннай аккредитациялаах Саха сиригэр спортивнай федерациялардаах спорт кѳрүңнэригэр эрэгийиэннэр икки ардыларынааҕы, Бүтүн Арассыыйатааҕы, норуоттар икки ардыларынааҕы физкултуура уонна спорт тэрээhиннэрин кэлим календарнай былааныгар киллэрилибит спорт тэрээhинигэр биир саамай бастың түмүгү ситиhии иhин ананар.

Биир кэмнээх наҕараада тѳлѳбүрүн кээмэйдэрэ араастар. Холобур, «Дети Азии» норуоттар икки ардыларынааҕы спортивнай оонньууларга кыайыы иhин спортсмеңңа тѳлѳбүр кээмэйэ — 50 тыh. солк., күүстээх спортсменнар ортолоругар Бүтүн Арассыыйатааҕы спартакиадаҕа, олимпийскай спорт кѳрүңнэригэр дойду чемпионаттарыгар уонна первенстволарыгар — 200 тыh. солк.

Олимпийскай спорт кѳрүңнэригэр континент чемпионаттарын уонна первенстволарын ыкайыылаахтара 600 тыh. солк., оттон аан дойду спортивнай күрэхтэрин ыкайыылаахтара — 1 мѳл. солк. ылыахтарын сѳп.

Биир кэмнээх наҕараада тѳлѳбүрэ «Саха Ѳрѳспүүбүлүкэтигэр физическэй култуураны уонна спорду сайыннарыы» бырагыраамаҕа кѳрүллүбүт сириэстибэлэр суоттарыгар оңоhуллар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением