Ол да буоллар, улуус кииниттэн 130-ча км ыраах сытар Боотулуу нэһилиэгэр бэҕэһээ саҥа спортивнай былаһаакканы аһар үөрүүлээх түгэн буолан ааста. Түгэнинэн туһанан, спорт ветерана, култуура кулуубун дириэктэринэн өр сылларга үлэлээбит Варвара Ивановна Семенова волейбол мээчигин илиитигэр туппута 45 сыла буолбутунан саҥа спорт былаһааккатыгар түөлбэлэр икки ардыларыгар дьахталларга анаан «Волейбол -- олоҕум аргыһа” диэн күрэхтэһии ыытылынна.
“Күрэхтэһии Боотулуу дьаһалтатын, Варвара Семенова бииргэ төрөөбүттэрин, оҕолорун, аймахтарын көмөлөрүнэн ыытылынна. Хамаандадар састааптарыгар 2 үөрэнээччи, 2 эдэр ыччат, 40 саастарын ааспыт 2 ветеран киирэн астына-дуоһуйа оонньоотулар. Нэһилиэнньэ маннык хабааннаах тэрээһини олус сэҥээрдэ. Онон сотору эр дьоҥҥо анаан волейбол күрэхтэһиитин тэрийиэхпит”, - диэн Боотулуу нэһилиэгин баһылыга Александр Поскачин кэпсээтэ.
-
0
-
0
-
0
-
0
-
0
-
0
