Издательский дом Редакция Подписка
Погода в Якутске: . -12 oC

Сэтинньи 25 күнүгэр Балыктаах култуура дьиэтигэр "Идэһэ-2022" түөлбэлэр икки ардыларыгар быыстапка-дьаарбаҥка тэриллэн ыытылынна.

Сэтинньи 25 күнүгэр Балыктаах култуура дьиэтигэр "Идэһэ-2022" түөлбэлэр икки ардыларыгар быыстапка-дьаарбаҥка тэриллэн ыытылынна.

27a2394e c8b3 479b 87a9 7b665e03a864

Бу дьоро киэһэҕэ эт, балык, сахалыы бурдук, үрүҥ ас арааһын быыстапката, "Оригинальнай композиция"диэн быйылгы идэһэттэн сонун бүлүүдэ, "Собо, собо барахсан" саамай улахан собо күрэҕэ, "Мааны Маҥааччыйа"маанытык киэргэтиллибит ынаҕы хаартыскаҕа түһэрэн көрдөрүү, "Стоп, кадр!- Оживи фрагменты "Золотые хиты советского кино" күрэх, "Сүөһү төбөтүттэн, туйаҕар дылы туһата"сүөһү төбөтүн сүлүүгэ күрэх, түөлбэлэр икки ардыларыгар "Көрдөөх эстэпиэтэ" олус көхтөөхтүк, илин-кэлин түсүһүүлээх, ыһыылаах-хаһыылаах бэрт сэргэхтик ыытылыннылар. Дьүүллүүр сүбэҕэ үлэлээтилэр: "Мэҥэ нэһилиэгэ" МТ баһылыгы солбуйааччы Мохначевскай Иван Егорович, олохтоох култуура дьиэтин исписэлииһэ Долгунова Лилия Васильевна, Мэҥэ нэһилиэгин тыа хаһаайыстыбатын исписэлииһэ Чалкина Анастасия Ивановна.

04333665 c8fc 4cdb bcc4 aa54b4ef2c51
"Оригинальнай бүлүүдэ" күрэҕэр түөлбэ аайыттан талыллыбыт Далбар Хотуттар олус кыһаллан бэлэмнээбиттэр. Кыттааччы оҥорбут композициятыгар төһө элбэх ас арааһа туттуллубутун, киэргэтиитин, астаабыт аһын туһунан кэпсээбитин истэн, дьүүллүүр сүбэ быһаарыытынан, 1 миэстэни Наталья Ноговицына (Сүрэх тыа түөлбэ), 2 миэстэни Анна Кычкина (Сайдыс түөлбэ), 3 миэстэни Мария Кычкина (Лесной түөлбэ) буоллулар. Маны сэргэ Елизавета Трифонова, Яна Васильева түөлбэлэрин​ чиэһин​ көмүскээтилэр.

5ff839e3 f58a 438f beb3 f9a3d27b1d5a
"Собо, собо барахсан" диэн күрэххэ бары кыттааччылар саамай улахан балыгы аҕалбыттарын көрөн, быйылгы муҥхаҕа лэһигирэс соболорунан "Күөх Боллох хатаҕалаабыт" диэн туран бастакы миэстэни Михаил Барабанов (Нагорнай түөлбэ), иккис миэстэни Наталья Ноговицына (Сүрэх тыа түөлбэ), үһүс миэстэни Татьяна Цыденжапова) ыллылар уонна​ түөлбэлэрин чиэһин Илья Владимиров (Сайдыс түөлбэ), Надежда Осипова (Лесной түөлбэ) көмүскээтилэр .

2abbde45 b7d8 4839 80f9 11990f027ba9
Биир сонун күрэх "Мааны Маҥааччыйа"диэн түөлбэлэринэн ынахтарын киэргэтэн, хаартыскаҕа түһэрэн аҕалан, билиһиннэрии буолла. Манна маанытык киэргэтии, уустаан-ураннаан билиһиннэрии сыаналанна. 1 миэстэ- Елена Гоголева (Лесной түөлбэ), 2 миэстэ - Парасковья Бродникова (Сүрэх тыа түөлбэ), 3 миэстэ - Елена Стручкова, 4 миэстэ - Яна Габышева (Аартык түөлбэ), 5 миэстэ - Яна Васильева (Нагорнай түөлбэ) тигистилэр.

5512adf7 4588 493a ba5c 27928ca85a82
"Стоп, кадр" диэн интэриэһинэй күрэххэ түөлбэлэр көҥүл тиэмэҕэ хит буолбут сэбиэскэй киинэлэртэн биир түгэни "тилиннэрэн" көрдөрдүлэр. Ис хоһоонун сөпкө арыйыы, кыттааччы ахсаана, үтүктүү маастарыстыбата сыаналанна. Онон, 1 миэстэ- Сүрэх тыа, 2 миэстэ - Лесной, 3 миэстэ - Нагорнай, 4 миэстэ - Аартык, 5 миэстэ - Сайдыс түөлбэлэр буоллулар.

9e5e1fe7 ba85 4fde bb32 1056ef461a2e
"Сүөһү төбөтүттэн туйаҕар дылы туһаҕа" диэн күрэххэ түөлбэ аайыттан биирдии эр бэртэрэ кытыннылар. Манна сыаналанна түргэн туттуу, хаачыстыбалаахтык сүлүү. Түмүккэ 1 миэстэ -Илья Владимиров (Сайдыс түөлбэ), 2 миэстэ - Петр Сотников (Сүрэх тыа түөлбэ), 3 миэстэ - Илья Шишигин, 4 миэстэ - Петр Дохунаев ыллылар.

a5a4a6d9 bd79 4e1f 9443 4599d41bac02

Ыһыылаах-хаһыылаах, "Көрдөөх эстэпиэтэҕэ" түөлбэ аайыттан үс эр киһи, икки кэрэ аҥардар кыттыылаах хамаандалар күрэхтэһэн, илин-кэлин түсүһэн, араас көрүдьүөс түһүмэхтэри ааһан "Сүрэх тыалар" бастаатылар. Иккис -"Аартык", үһүс-"Лесной" буоллулар. "Сайдыстар", "Нагорнайдар" түөлбэлэрин чиэһин кыахтара​ тиийэринэн​ көмүскээтилэр. Уопсай түмүккэ1 миэстэ- "Сүрэх тыа (сал.Степанова Саргылана Романовна), 2 миэстэ -"Аартык" (сал.Стручкова Сардаана Степановна), 3 миэстэ -"Сайдыс "түөлбэ ыллылар.

73c1c5a9 dd5c 4617 901c bea25432c515
Бары күрэхтэр кэннилэриттэн "Идэһэ-2022 сыл" кыһыҥҥы хасааһыттан аукцион тэрилиннэ: убаһа​ ойоҕоһо, тоҥ кыһыллар балык, куулунан собо, ынах хаана-иһэ уонна да атын бородуукта арааһа сыана быһыллан, үрдэтиллэн, хамаҕатык атыыга барда .Бу аукционтан киирбит харчы бүгүҥҥү күрэхтэһиигэ кыайбыт түөлбэҕэ бириэмийэ быһыытынан туттарылынна.

f2385fe7 d699 4ebe a80e 9ffbbcdc8a7b

Бу дьоро киэһэ кэмигэр соһуччу түгэннэр буоллулар, ол курдук, "Лесной" түөлбэ (сал. Мордискина Антонина Николаевна) сыл устата ыытыллыбыт күрэхтэргэ ылбыт анал бириэмийэлэрин сертификаттарын нэһилиэкпититтэн анал байыаннай дьайыыларга кыттар ыччаттарга көмө быһыытынан туттарга диэн олохтоох дьаһалтаҕа туттардылар.

adb63c49 8ffa 4952 90af a478b7ad648d

"Сайдыс" түөлбэ аатыттан быйыл дьокутаатынан талыллыбыт Чалкина Анастасия Ивановнаҕа өйдөбүнньүк туттардылар. "Сүрэх тыа" түөлбэҕэ саҥа талыллыбыт салайааччыга Саргылаана Степановаҕа Наталья Ноговицына анал бэлиэни туттарда. Быйылгы тэрээһиҥҥэ нэһилиэк биэс түөлбэтин олохтоохторо олус көхтөөхтүк кыттыбыттарын бэлиэтээтилэр. "Маннык, үтүө киэһэлэр, Балыктаахха мэлдьитин буола турдуннар" диэн мустубут дьон санааларын тиэртилэр.

db7f4881 66c2 452f ab68 b723ffc5067c

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23