«Төһө да тыа баһаардара мэһэйдээтэллэр, дьоммут оттуу-мастыы сылдьаллар. Билигин оппут былаана 64% туолан иһэр. Улууска былааммыт – 1290 туонна. Мантан 84% толорор кыахтаахпыт. Онтон хаалбытын мобильнай биригээдэлэр эрэ көмөлөрүнэн булунар кыахтаахпыт», - диэн Иван Петрович бэлиэтиир.
Александр Павлович Муома улууһа мобильнай биригээдэҕэ сайаапка биэрбитин уонна биригээдэлэри тэрийиигэ көмө харчы көрүллэрин эттэ.
Күн бүгүн Муома улууһугар тыа баһаардара умуруорулуннулар. Буор Сыһыы бөһүөлэгэр чааһынай дьон оттуур ходуһата, Хонууга Аркадий Корякин бааһынай хаһаайыстыбатын ото, күрүөтэ баһаарга былдьаммыт. Билигин уопсай хорумньуну ааҕа-суоттуу сылдьаллар.
Муома улууһугар барыта 13 000 таба (быйыл төрүөҕү ылыы -45%), ынах сүөһү 340 төбө (ыанар ынаҕа 160, төрүөҕү ылыы 100%), сылгы ахсаана 2000 тахса (төрүөҕү ылыы 66%).
Иван Павлов биир улахан былаана «Тыа сирин туруктаах сайыннарыы» бырагыраамаҕа кыттыы буолар. Улуус социальнай эбийиэкиэрэ (оскуолалар, оҕо саадтара) сэбиэскэй кэм саҕанааҕы тутуулар буолар эргэрэн бүппүттэрэ баар суол. Ол эрээри улуус бүддьүөтэ кырыымчык буолан, саҥа тутуулар бырайыактарын оҥорторорго үгүс ыарахаттары көрсөллөр.
2021 сылтан киирээри турар уларыйыыларга баһылык эмиэ тохтоон ааста. Ол курдук ыанар ынах төбөтүгэр көрүллэр үп-харчы үрдээбэккэ турбута ыраатта, маныаха кэлэр сылтан эбиллэрэ буоллар хоту сир дьонугар көмө буолуо этэ диэн санаатын эттэ.
Билигин хоту улуустар ыанар ынах төбөтүгэр 30 000 солк. ылаллар. Онтон оҥоһулла сылдьар саҥа механизмҥа хоту улуустарга ыанар ынах төбөтүгэр 45 000 солк. көрүллүөхтээх.
-
0
-
0
-
0
-
0
-
0
-
0
