Издательский дом Редакция Подписка
Погода в Якутске: . -16 oC

Саха сиригэр сааскы халаан уутун куттала суох аһарыыга бэлэмнэнии тэрээһиннэрэ саҕаланна. Муус туругун мөлтөтөр, үрэхтэри дириҥэтэр үлэлэр ыытыллаллара былааннаналлар. Бу сыалга федеральнай уонна өрөспүүбүлүкэ бүддьүөттэриттэн барыта 153 мөл. солк. көрүлүннэ. Бу туһунан өрөспүүбүлүкэ Баһылыгын уонна Бырабыыталыстыбатын пресс-сулууспата иһитиннэрэр.

Саха сиригэр сааскы халаан уутун куттала суох аһарыыга бэлэмнэнии тэрээһиннэрэ саҕаланна. Муус туругун мөлтөтөр, үрэхтэри дириҥэтэр үлэлэр ыытыллаллара былааннаналлар. Бу сыалга федеральнай уонна өрөспүүбүлүкэ бүддьүөттэриттэн барыта 153 мөл. солк. көрүлүннэ. Бу туһунан өрөспүүбүлүкэ Баһылыгын уонна Бырабыыталыстыбатын пресс-сулууспата иһитиннэрэр.

Дмитрий Садовников ыксаллаах быһыыны-майгыны сэрэтиигэ уонна баһаартан куттал суох буолууну хааччыйыы хамыыһыйатын мунньаҕын ыытта. Өрөспүүбүлүкэ бастакы вице-премьерэ ыытыллыахтаах үлэ хаамыытын сыаналаата уонна тустаах тэрилтэлэргэ кэккэ соруктары туруорда. «2022 сылга бэлэмнэнии үлэлэр штатнай эрисииминэн барар. Билиҥҥитэ чопчу билгэлээһин суох, ол эрэн Халыма улуустарын, ону тэҥэ Лена уонна Алдан өрүс биллэр учаастактарыгар уустук быһыы-майгы тахсыан сөп. Онон билигин сөптөөх үлэлэри саҕалыахпыт, бары күүспүтүн-уохпутун бэлэмниэхпит», - диэтэ кини.

Кини этэринэн, мууһу кэбирэтэр дьаһалларга федеральнай бүддьүөттэн 37 мөл. солк. кэриҥэ көрүллүбүт, оттон толорооччулары быһаарыы куонкурустар бара тураллар. Дойду бүддьүөтүттэн 16 мөл. солк. кэриҥэ үбүлээһин үрэҕи сүнньүгэр быһаччы киллэриигэ уонна үрэхтэри дириҥэтэр үлэлэргэ тыырыллыбыт.

Бэлэмнэнии үлэлэргэ өрөспүүбүлүкэ  бүддьүөтүттэн 100 мөл. солк. кэриҥэ туһаныллыаҕа. Эбии 150 мөл. солк. резервнэй пуондаҕа уурулунна. Садовников КЧС чилиэннэригэр уонна олохтоох салайыныы уорганнарыгар көрүллүбүт дьаһаллары толорорго сорудахтаата. Кини гидротехническай тутууларга халаан уутун содулларын туоратыыга уонна быстах өрөмүөн үлэтин ыытарга, ону тэҥэ өрүстэринэн көһө сылдьар суһал бөлөхтөрү тэрийэн, муус хаайтарар учаастактарын барытын бэрэбиэркэлииргэ, куттал суох буолуутун хонтуруолун хааччыйарга дьаһайда.

Бүлүү ГЭС уута намыһаҕыттан, Бүлүү өрүскэ муус хаайтарыылара тахсыан сөп, онон сибээстээн сааскы халаан уутун куттала суох аһарыыга күүскэ бэлэмнэнэргэ сорудахтаата. Дьокуускайдааҕы гидрометеосулууспа дааннайынан, быйыл өрүс мууһун халыҥа нуорматтан намыһах. Нуорманы куоһарыы Алдан өрүс Томпо оройуонугар, Лена өрүс Кэбээйи улууһугар, ону таһынан Халыма өрүскэ бэлиэтэнэллэр. Муус хаайтарар кутталлаах учаастактарын чопчу билгэлээһинэ муус устар 15 күнүгэр биллиэҕэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением