Олоохунаҕа Олоҥхо ыһыаҕын Ытык Дуоҕата анньылынна! Уруй-Айхал! Айхал-Мичил!
Издательский дом Редакция Подписка
Погода в Якутске: . 25 oC

Бүгүн 11 чаастан  Өлүөхүмэ оройуонугар өрөспүүбүлүкэтээҕи  Олоҥхо ыһыаҕын  аһыллыыта үөрүүлээх быһыыга-майгыга, ураты тыыны үөскэтэн, Саха сирин  бары улуустарыттан дэлэгээссийэлэри түмэн тардан ыытылынна. Уйгулаах Олоҥхо ыһыаҕа аатырар-сураҕырар Аанньаах киэҥ хочотугар буолла.  Тэрээһиҥҥэ   Ил Түмэн Бэрэссэдээтэлин солбуйааччы  Александр Жирков салайааччылаах дьокутааттар куорпустара анаан-минээн тиийэн кытыннылар.

Бүгүн 11 чаастан  Өлүөхүмэ оройуонугар өрөспүүбүлүкэтээҕи  Олоҥхо ыһыаҕын  аһыллыыта үөрүүлээх быһыыга-майгыга, ураты тыыны үөскэтэн, Саха сирин  бары улуустарыттан дэлэгээссийэлэри түмэн тардан ыытылынна. Уйгулаах Олоҥхо ыһыаҕа аатырар-сураҕырар Аанньаах киэҥ хочотугар буолла.  Тэрээһиҥҥэ   Ил Түмэн Бэрэссэдээтэлин солбуйааччы  Александр Жирков салайааччылаах дьокутааттар куорпустара анаан-минээн тиийэн кытыннылар.

Олоҥхо түһүлгэтин сиэр-туома эбэҥки, нуучча уонна саха үтүө үгэстэрин тутуһан оҥорбуттара уратытык, сонуннук көһүннэ.   Ил Дархан Айсен Николаев,  Ил Түмэн Бэрэссэдээтэлин бастакы солбуйааччы, СӨ Ил Дарханын иһинэн Олоҥхо национальнай кэмитиэтин бэрэссэдээтэлэ Александр Жирков кэргэнинээн Людмила Петровналыын, судаарыстыбаннай сүбэһит Андрей Борисов,  РФ Турция Өрөспүүбүлүкэтин боломуочуйалаах посола тойон Мехмет Самсар кэргэнинээн Феруза Самсардыын, Новосибирскай куоракка Таджикистан Өрөспүүбүлүкэтин генеральнай консула Ятим Давлатходжан,  Дьокуускай куоракка  Киргизия Өрөспүүбүлүкэтин  Посольствотын канцеляриятын салайааччы Жоомарт Абдыманапов, “Объединенные города и местные власти”   аан дойдутааҕы тэрилтэ Евразиятааҕы  отделениетын генеральнай сэкирэтээрэ  Расих Сагитов, Татарстан Өрөспүүбүлүкэтин Спасскай оройуонун баһылыга Фаргат Мухаметов,  СӨ Бырабыыталыстыбатын Бэрэссэдээтэлин солбуйааччы, Олоҥхо ыһыаҕын тэрийиигэ кэмитиэтин  бэрэссэдээтэлэ Сергей Местников, Өлүөхүмэ оройуонун баһылыга Николай Харбин Аан Аартыгынан киирэн, Аал Дууб Хатыҥ аттыгар олорор өрөспүүбүлүкэ биллэр-көстөр олоҥхоһуттарыгар  сүгүрүйэн, сүрүн олоххо кэлэн олордулар.

ысыач фото 3

Бу улахан түһүлгэҕэ анаан-минээн ыраахтан-чугастан кэлбит олоҥхоһуттары уруйдуу көрүстүлэр. Ол курдук,  Дьокуускайтан  Исаков, Валентин Гаврильевич, Платонова Любовь Иннокентьевна,  Данилов Владимир Дмитриевич, Соколова Валентина Николаевна,  Амвросьев Анатолий Алексеевич, Сунтаартан Тимофеев Никандр Прокопьевич, Мэҥэ Хаҥаластан  Тихонов Петр Максимович, Спиридонов Гаврил Васильевич, Чурапчыттан Григорьев Николай Никитич,  Тааттаттан Попов Афанасий Николаевич, Багардынов Александр Никифорович кэлбиттэр.

Олоҥхо ыһыаҕын аарыма кырдьаҕастара  Капитолина Трынкина уонна Борис Чичирбынов ыалдьыттарга анаан-минээн ыһыаҕынан эҕэрдэлэрин, баҕа санааларын тиэртилэр.

Олоҥхо ыһыаҕын алгыһа, сиэрэ-туома ыытылынна. Алгысчыт Ростислав Семенович Крыжановскай арыалдьыттарын кытта киирэн,  сиэри-туому оҥордо. Салгыы Олоҥхо матыыбынан киэҥ далааһыннаах, ураты умсугутуулаах театрализованнай дьүһүйүү буолла.

Салгыы Олоҥхо ыһыаҕын бэлиэтэ Ытык Дуоҕаны көтөҕүү буолла. Айыы Ойууну көмөлөһөөччүлэрин кытта Ытык Дуоҕаны көтөҕөн киллэрэн, Ил Дархан Айсен Николаевка, Ил Түмэн Бэрэссэдээтэлин бастакы солбуйааччы, СӨ Ил Дарханын иһинэн Олоҥхо национальнай кэмитиэтин бэрэссэдээтэлэ Александр Жирковка, Өлүөхүмэ баһылыга Николай Харбиҥҥа туттарбыттарыгар,  кинилэр ыһыах  сүрүн сэргэтигэр туруору анньан туруоран кэбистилэр. Ону кытта Олоҥхо ыһыаҕын гимнэ иһиллэн, бар дьон үгүрү-сүгүрү буоллулар.

Ил Дархан Айсен Николаев: “Ытык-мааны Өлүөхүмэ олохтоохторо, ыраахтан-чугастан ыҥырыллан кэлбит Сахабыт сирин дьоно-сэргэтэ, барыгытын  өр кэмҥэ күүттэриллибит, бары умсугуйа, туоххаһыйа кэтэспит Олоҥхо ыһыаҕынан ис сүрэхпиттэн итиитик-истиҥник эҕэрдэлиибин! Бастатан туран, бу үрдүк аналлаах, ураты суолталаах бэртээхэй ыһыаҕа тэрийэн ыыта сылдьаллар  өлүөхүмэлэргэ ис сүрэхпиттэн махтанабын!  Өлүөхүмэҕэ элбэх норуот тоҕуоруһан, биир санаанан салайтан олорор, Сахабыт сирин сайдыытыгар бэйэлэрин тус кылааттарын киллэрэллэр. Бүгүҥҥү тэрээһиҥҥэ бары биир санаанан салайтаран кэлэн кыттан, норуоттар доҕордоһуулары хайдах буолуохтааҕын ырылыччы көрдөрдүлэр. Сахабыт сирин сайдарын туһугар бука бары бииргэ буолуоҕуҥ.  Өссө төгүл барыгытын Олоҥхо ыһыаҕынан эҕэрдэдиибин! Уруй-Айхал! Уруй-Айхал! Уруй-Айхал!”, - диэн эҕэрдэ тылы эттэ.

Жирков и фото 2

Салгыы Ил Түмэн Бэрэссэдээтэлин бастакы солбуйааччы, СӨ Ил Дарханын иһинэн Олоҥхо национальнай кэмитиэтин бэрэссэдээтэлэ  Александр Жирков: “Ытык-мааны Өлүөхүмэ улууһун олохтоохторо бу өр күүттэриилээх Олоҥхо ыһыаҕынан барыгытын эҕэрдэлиибин!  Ардах түһэ турар. Бу, биллэн турар, уйгу-быйаҥ бэлиэтэ буолар. Бу күннэргэ өҥүрүк куйаастар сатыылаабыттара. Онуоха улуу олоҥхоһуттарбыт тылларын  Үрдүк Айыыларбыт ылынан бу уйгу-быйаҥ ардаҕын түһэрдилэр. Өлүөхүмэ бу элбэх норуоттар тоҕуоруһан олорор ытык-мааны сирдэрэ уоттара, Өлүөхүмэ бу улуу олоҥхоһуттар, суруйааччылар уутуйан үөскээбит ураты сирдэрэ-уоттара буолар. Бүгүн аал уоту оттон, алгыс тылын этэн, күөх унаархай буруобут Үрдүк Айыыларбытыгар тиийэн, арчыланан, саха норуотугар үтүөнү, кэрэни түстүүр ураты күммүт буолар. Унаархай буруобут  уһуннук добуун халлааҥҥа диэри  унаардын, саха норуотун инникитин, сайдыытын түстээтин! Барыгытын өссө төгүл Олоҥхо ыһыаҕынын ис сүрэхпиттэн эҕэрдэлиибин! Уруй-Айхал! Уруй-Айхал! Уруй-Айхал!”, -- диэн ис сүрэҕиттэн иэйэн туран эҕэрдэтин тиэртэ.  

Жирков

Өлүөхүмэ оройуонун баһылыга Николай Харбин эҕэрдэ тылы эппитин кэннэ ыраахтан-чугастан кэлбит ыалдьыттар, олохтоохтор бары илии-илиилэриттэн тутуһан, Олоҥхо ыһыаҕын оһуохайыгар киирдилэр. Өлүөхүмэлии, Бүлүүлүү оһуохайдары оройуттан тутан, ураты тыыҥҥа, ураты эйгэҕэ киирэн ыллылар. Дьэ мантан салгыы Олоҥхо ыһыаҕын бары тэрээһинэ сарсыҥҥы күнү тэҥинэн ыытыллыа буоллаҕа!  "Ил Түмэн" издательскай дьиэтин кэлэктиибэ Саха сирин ытык-мааны олохтоохторун Олоҥхо ыһыаҕынан ис сүрэҕиттэн эҕэрдэтин тиэрдэр! Уруй-Айхал! Уйгу-быйаҥ тосхойдун!

IMG 20210626 WA0045

ысыач фото 2

ысыач фото 4

жирков фото маны

Олоҥхо ыһыаҕын аһыллыытын манна киирэн көрүөххүтүн сөп (Якутия24 канаал). 

 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости