Издательский дом Редакция Подписка
Погода в Якутске: . -14 oC

Бэҕэһээ, алтынньы 12 күнүгэр, Саха Өрөспүүбүлүкэтин үөрэҕин уонна билимин миниистирэ Михаил Сивцев Үөһээ Бүлүү улууһун «Сомоҕо» оҕо уопсастыбаннай түмсүүтүн лиидэрин Елизавета Алексееваны, кини салайааччыларын Саргылана Ильинаны уонна Алена Николаеваны приемнаата. Көрсүһүүгэ ыҥырыылаах ыалдьыттар федеральнай таһымҥа ситиһиилэрин бэлиэтээһин эрэ буолбакка, биир санаалаахтар түмсэн, сайдар эйгэни олохтуур туһунан кэпсэттилэр.

Бэҕэһээ, алтынньы 12 күнүгэр, Саха Өрөспүүбүлүкэтин үөрэҕин уонна билимин миниистирэ Михаил Сивцев Үөһээ Бүлүү улууһун «Сомоҕо» оҕо уопсастыбаннай түмсүүтүн лиидэрин Елизавета Алексееваны, кини салайааччыларын Саргылана Ильинаны уонна Алена Николаеваны приемнаата. Көрсүһүүгэ ыҥырыылаах ыалдьыттар федеральнай таһымҥа ситиһиилэрин бэлиэтээһин эрэ буолбакка, биир санаалаахтар түмсэн, сайдар эйгэни олохтуур туһунан кэпсэттилэр.

«Хас сир ахсын кэрэхсэнэр уопуттаах, үтүө тэрээһиннэрдээх педагогтардаахпыт. Сүрүннээн барыбыт баҕата, үлэбит хайысхата биир. Учууталлар, төрөппүттэр, оскуола кэллэктииптэрэ, нэһилиэк салайааччылара оҕо сайдарын ситиһэр эйгэни олохтуу сатыыбыт», – диэн бэлиэтээтэ миниистир Михаил Сивцев.

Кини аҕыйах хонуктааҕына СӨ үөрэҕириитин үтүөлээх үлэһитэ, «Эркээйи эргиирэ» бырагыраама айар бөлөҕүн салайааччыта Татьяна Ильинаны кытта көрсүбүтүн ахтан аһарда. Дойду үрдүнэн үөрэх тэрилтэлэрэ оҕону киһилии киһи быһыытынан иитэн таһаарарга, сайыннарарга хайысхаламмыттарын бэлиэтээтэ. Ол курдук, балаҕан ыйын 1 күнүттэн хас биирдии оскуолаҕа иитии бырагыраамата олоххо ыпсан саҕаламмыт. Онтон Сахабыт сиригэр бу хайысхаҕа үлэни саҥалыы ис хоһооннуурга, норуот бэйэтин үөрүйэхтэрин, сатабылларын туһанар баҕаттан «Эркээйи эргиирэ» бырагыраама көмөтүнэн сайдыы эйгэтин тэрийэргэ пилотнай былаһааккалары арыйбыттар.

«Уруоктарбыт оҕону дьарыкка киллэрэллэригэр ханнык ньымалары туһаныахпытын сөбүй, кылаас чааһын хайдах ис хоһооннуохтаахпытый, төрөппүтү кытта үлэҕэ ордук туохха болҕойуохтаахпытый диэн ыйытыыларга хоруй биэрэбит. Онон эһиги, сэргэх көрүүлээх, инники күөҥҥэ сылдьар педагогтар, саҥа бырагырааманы көҕүлээччи уонна тэрийээччи буолуох кэриҥнээххит», – диэтэ миниистир.

ac5316e0 b72a 473c 8f34 31811b1c75d5

Михаил Петрович оҕолору кытта көрсөрүгэр ордук дьон этинэн-хаанынан ылынан, бэйэтинэн аһардыбыт үтүө холобурдарын кэпсээн оҥорон, билиһиннэрэр үгэстээх эбит. Холобур, соторутааҕыта лиидэр оҕолору кытта көрсөрүгэр оҕо сылдьан ньирэй көрөн, аһатан бэлэсипиэт атыыласпыт бэлиэ түгэнин ахтыбыт. Оччоҕо ыччаттар улахан киһи этиитин ордук болҕойон ылыналлар эбит. «Итинник дьаһаныахха, толкуйдуохха сөп эбит», – диэн санааҕа кэлэллэр диир кини.

Елизавета Алексеева XVIII төгүлүн ыытыллар «Моя страна – моя Россия» Бүтүн Арассыыйатааҕы куонкурус финалыгар хамаандатын, салайааччыларын кытта оҥорбут «Үөһээ Бүлүү улууһуттан кыайыыны уһансыбыт ийэлэр хорсун быһыылара» диэн бырайыагын ситиһиилээхтик көмүскээн, 14-тэн 17-гэр диэри саастаах оҕолорго маҥнайгы миэстэни ылбыт.

530e0ef8 4f85 4632 b295 fc6b87f27152

«Быйылгы куонкуруска 14-17 саастаах оҕолорго Арассыыйа 46 эрэгийиэниттэн 126 оҕо финалга тахсыбыт этэ. Хас да этаабы ааһан, түүннэри бэлэмнэнэн, финалга тахсыбытым. Сахабыт сириттэн соҕотох буоламмын, кыттарга олус долгутуулаах этэ», – диэн санаатын үллэстэр.

Елизавета Бүтүн Арассыыйатааҕы куонкуруска кыттан, «Россия – страна возможностей» платформа көмөтүнэн «Ийэ сүрэҕэ – саллаакка» («Сердце солдатской матери») кинигэтин үтүө холобур быhыытынан тарҕатар, поисковай үлэҕэ оҕолору сыhыарар баҕалаах эбит. Маныаха айар үлэ түгэннэрин, геройдары кытта долгутуулаах сэhэргэhиилэри устан, «Саха» НКИК ханаалыгар биэрии бэлэмнээн, маҥнайгы үктэли оҥорбуттар. Салгыы Үөһээ Бүлүү улууһун нэһилиэктэригэр оҕо уопсастыбаннай түмсүүлэрин поисковай үлэлэрин тэрийэн, сэрии толоонугар уолаттарын сүтэрбит ийэлэр сырдык ааттарын үйэтитэр истиэндэ оҥорор былааннаахтар эбит.

dd704209 9abb 4757 9656 ce801448e55b

Кэпсэтии кэннэ Михаил Сивцев Ил Дархан Айсен Николаев аатыттан федеральнай куонкурус кыайыылааҕар уонна кини салайааччыларыгар махтал суруктары уонна өйдөбүнньүк бэлэхтэри туттарда. Миниистир Елизаветаҕа үөрэҕэр туйгун сыаналары, онтон уопсастыбаннай үлэҕэ үтүө түмүктээх ситиһиилэри баҕаран туран, «Пути великих свершений» диэн түөрт туомнаах историческай суолталаах альбом-кинигэни бэлэх уунна.

0045f7b5 46a4 4daf 973d 6a92133fbc5c

c0679edc 3bc0 43fd 8486 5675236e5bd4

Лиидэр кыыс миниистири истиҥник ыга кууһан ылан, ыччат дьоҥҥо болҕомтотун, кыһамньытын иһин махтанна. «Мин кинигэ ааҕарбын олус сөбүлүүбүн. Оскуола кэннэ историческай факультекка туттарсар былааннаахпын. Хайаан даҕаны Уһук Илин эрэгийиэҥҥэ сир баайын баһылыыр этнографическай суруйууну хасыһан туран үөрэтиэм», – диэн харда тылын эттэ кини.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19