#CахаКВН – култуура уонна көҥүл ускуустуба көрүҥүн быhыытынан оҕо уонна ыччат дьон толкуйдуур, айар-тутар, ону тэҥэ төрөөбүт тылынан саҥарар дьоҕурдарын сайыннарар көдьүүстээх ньыма буолар. Дэлэҕэ даҕаны, Сахабыт сиригэр 21 сыл устата сайдан кэлбит национальнай оонньууну өрөспүүбүлүкэбит салайааччылара бэйэлэринэн өйүөхтэрэ дуо? Манна даҕатан эттэххэ, билиҥҥи кэмҥэ айымньылаахтык үлэлии сылдьар эдэр дьон, креативнай эйгэ артыыстара үгүстэрэ бу оонньууну үктэл оҥостон тахсыбыттара.
«Биллэн турар, уопсастыбаннай хамсааhын бары уларыйыылары, аныгы ыччат интэриэhин таба тайанар соруктаах. Маныаха тэрээhини сүрүннүүр, эйгэни олохтуур дьон бэйэбититтэн иитиллэн тахсыахтарын наада. КВН-ны хамсатар сүрүн күүс – оонньооччулар уонна салайааччылар бэйэлэрэ буолаллар», – диэн бэлиэтиир СӨ «Саха КВН Лигата» ыччат уопсастыбаннай тэрилтэтин салайааччыта Геннадий Охлопков.
Онтон «Сайдам» #CахаКВН хамаандата тапталлаах оонньууларыттан тэйэр санаалара суох. Төhө даҕаны иккис сылын хааччахтааhын бириэмэтэ буоллар, бэйэлэрин турукка тута сылдьаллар. Көрүдьүөстэри айаллар, вайннары усталлар, сонун идиэйэлэри түмэллэр. «Сэргэх олох саҕаланна да саҥалыы киирсэргэ бэлэммит», – дииллэр уолаттар.
Сэргэх оонньуу туhунан уонна кини ыччат сайдарыгар суолтатын туhунан сюжеты сиhилии ютуб-ханаалга бу сигэнэн киирэн көрүҥ:
-
0
-
0
-
0
-
0
-
0
-
0
