Евгений Григорьев иһитиннэрбитинэн, билиҥҥи кэмҥэ 3 мөл. кб. миэтэрэ иэннээх икки улахан сир учаастага ылылынна.
«2022 сыл устата территориялары былааннааһын бырайыагынан үлэни ыытабыт. Учаастактарга киирэр суоллары, инфраструктураны - электроэнергиянан, гааһынан хааччыйыыны оҥоруохтаахтар. 2200 учаастагы бу сыл бүтүүтүгэр эбэтэр кэлэр сыл саҥатыгар элбэх оҕолоох ыалларга түҥэтиэхтээхпит", - диэтэ Евгений Григорьев.
Дьокуускай куорат уокуруктааҕы дьаһалтатын пресс-сулууспата иһитиннэрэринэн, босхо сирдэри ылыыга испииһэккэ 7 тыһыынчаттан тахса куорат олохтооҕо киллэриллибит.
«Биллэн турар, 2200 учаастак диэн аҕыйах. Онон судаарыстыбаннай Дуума дьокутаата Галина Данчикова быһаччы кыттыытынан, Маҕанныыр суолга сири биэрии былааннаах үлэтэ Росимуществоны кытта бара турар», - диэн бэлиэтээтэ Евгений Григорьев.
-
0
-
0
-
0
-
0
-
0
-
0
