Көмө ылар дьиэ кэргэн ахсаана элбиэҕэ
Издательский дом Редакция Подписка
Погода в Якутске: . 19 oC

Саха сиринээҕи Эрэгийиэни салайар киин (ЦУР) биир нэдиэлэ устатыгар 3 сааһыттан 7-тигэр диэри саастаах оҕолорго көрүллэр төлөбүргэ сыһыаннаах 50 ыйытыы киирбитин бэлиэтээтэ.

Саха сиринээҕи Эрэгийиэни салайар киин (ЦУР) биир нэдиэлэ устатыгар 3 сааһыттан 7-тигэр диэри саастаах оҕолорго көрүллэр төлөбүргэ сыһыаннаах 50 ыйытыы киирбитин бэлиэтээтэ.

Өрөспүүбүлүкэ үгүс олохтооҕо босуобуйаҕа аккаас оҥоһуллар төрүөтүн ситэ өйдөөбөт эбит. ЦУР итиэннэ Үлэ уонна социальнай сайдыы министиэристибэтэ 3-7 саастаах оҕолордоох ыалларга бэриллэр ыйдааҕы төлөбүр ананар бэрээдэгин быһаардылар.

Дьиэ кэргэн киһи ахсаанынан тиксэр орто дохуота сыллааҕы уопсай дохуоту дьиэ кэргэн бары чилиэннэрин ахсааныгар, итиэннэ ый ахсаанынан 12-гэ түҥэппиккэ тэҥнэһэр. Онуоха дьиэ кэргэн төлөбүргэ сайабылыанньа түһэрэр ыйыттан түөрт календарнай ый иннинээҕи 12 ыйдаах дохуота учуоттанар.

Дьиэ кэргэн көмө харчыга наадыйыытын быһаарарга дохуот маннык көрүҥнэрэ учуоттамматтар:

-инбэлиит оҕону көрүүнү толуйар төлөбүр;

-нолуокка чэпчэтии;

-биир кэмнээх страховка төлөбүрэ;

-медицинскэй, социальнай уонна идэтийбит чөлүгэр түһэриигэ сыһыаннаах ыйдааҕы төлөбүр;

-социальнай хантараакка олоҕуран бэриллибит көмө;

-өлбүт киһини көмөргө босуобуйа;

-инбэлиит чөлүгэр түһэрэр тиэхиньиичэскэй тэрили атыыласпыт ороскуотун толуйуу харчыта;

-хараҕынан көрбөт инбэлиит сирдьит ытын иитэр ороскуотун сороҕун толуйууга сылга биирдэ бэриллэр харчы.
– Онон, муус устар 1 күнүттэн дьиэ кэргэн харчыга наадыйыытын быһаарар критерийгэ уларыйыы киирдэ, чуолаан дьиэ кэргэн көмөҕө наадыйыытын быһаарарга учуоттаммат дохуот көрүҥэ кэҥэтилиннэ. Бу көмө ылар ыал ахсаанын элбэтэр кыаҕы биэрдэ, – диэн Үлэ уонна социальнай сайдыы министиэристибэтин пресс-сулууспата иһитиннэрэр.

Маны таһынан, дьиэ кэргэн көмөҕө төһө наадыйарын быһаарарга кини  бас билэр баайын-дуолун туруга, төһө уурунуу харчылааҕа учуоттанар:

--хас дьиэлээҕэ/кыбартыыралааҕа/хостооҕо, онуоха дьиэ кэргэн хас биирдии чилиэнигэр тиксэр иэн таас дьиэ кыбартыыратыгар 24 кв. м., мас дьиэҕэ 40 кв. миэтэрэттэн улаатыа суохтаах;

--биир сайылык дьиэтэ(даачата), биир гараас/массыына миэстэтэ (икки гараас көҥүллэниэн сөп);

-сир учаастага (тыа сиригэр олорооччуларга 1 гаттан, куоракка олорооччуларга 0,25 гаттан элбэҕэ суох);

-бааҥҥа 12 654 солк. диэри уурунуу харчы бырыһыаныттан киирэр дохуот;

-1 массыына эбэтэр матасыыкыл (икки тырааныспар көҥүллэниэн сөп);

-туһаныллыбыта биэс сылын туола илик 1 единица бэйэтэ хаамар тиэхиньикэ, 1 катер.

8-17 саастаах оҕолорго саҥа төлөбүрү көрөргө сайаапканы ыам ыйын 1 күнүттэн биэриэххэ сөп. Өрөспүүбүлүкэ үрдүнэн быһа барыллаан, социальнай төлөбүр бу көрүҥүнэн 40 тыһыынча оҕо туһаныаҕа.

  • 7
  • 1
  • 0
  • 0
  • 0
  • 9

Комментарии (3)

This comment was minimized by the moderator on the site

Мин 5 апреля ыыппытым госуслуга Генуе 3-7 дери,эппетэ Сол да сох ди,того?

This comment was minimized by the moderator on the site

Миэхэ отказ от трёх до семи лет саатар 50 процент хапсыбатым многодетнайбын

This comment was minimized by the moderator on the site

Я мама 4 детей,две старшие студенты(очное отделение оба),от 8до 17л.отказ.В разводе с 2015года.Алименты не получаю,так как не подавала.Нет связи и контактов с бывшим.

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Лента новостей

Долган ырыаларыгар уһуйан

"Муусука -- барыбытыгар" диэн бырайыак үгүс элбэх үтүө дьону, саҥа ааттары таһаарда,…
03.07.22 16:29
Лента новостей

Сир аһын хаһан хомуйабыт?

Бэйэ туһатыгар (сииргэ, атыылыырга, бэлэхтииргэ, о.д.а.) сир аһын хомуйар бигэргэммит…
03.07.22 14:13