Москуба Ыһыаҕар 25 тыһыынча киһи сырытта
Издательский дом Редакция Подписка
Погода в Якутске: . 11 oC

От ыйын 30 күнүгэр Коломенскайдааҕы мусуой-заповедник территориятыгар ыһыллыбыт Ыһыахха 25 тыһыынча киин куорат олохтоохторо уонна ыалдьыттара, ол иһигэр Армения, ДНР, Иордания, Казахстан, КНДР, Монголия, Палестина, Сирия, Туркменистан, Узбекистан дэлэгээссийэлэрэ сырыттылар. 

От ыйын 30 күнүгэр Коломенскайдааҕы мусуой-заповедник территориятыгар ыһыллыбыт Ыһыахха 25 тыһыынча киин куорат олохтоохторо уонна ыалдьыттара, ол иһигэр Армения, ДНР, Иордания, Казахстан, КНДР, Монголия, Палестина, Сирия, Туркменистан, Узбекистан дэлэгээссийэлэрэ сырыттылар. 

Быйыл 16-с төгүлүн ыһыллар Ыһыах Саха сирэ Арассыыйа судаарыстыбатын састаабыгар киирбитэ 390, Саха Өрөспүүбүлүкэтин уонна Бастайааннай Бэрэстэбиитэлистибэ 100, биллиилээх судаарыстыбаннай уонна политическай деятель М.К. Аммосов 120 итиэннэ Арассыыйаҕа Култуура нэһилиэстибэтин сылларыгар ананна.ьаһалтатын Национальнай бэлиитикэҕэ уонна эрэгийиэннэр икки ардыларынааҕы сибээскэ департамена, «Национальностар Москубатааҕы дьиэлэрэ» СБТ, Нам улууһа итиэннэ «Коломенскайдааҕы» мусуой-заповедник дьаһалтата тэрийэн ыыттылар.

М_ысыах_--_откр_1.jpg

Арассыыйа Географическай уопсастыбатын чэрчитинэн тэриллибит «Тымныы полюһуттан Москубаҕа» диэн атынан эспэдииссийэ бу түһүлгэҕэ түмүктэннэ. Эспэдииссийэ кыттыылаахтара саха аттарынан 11 000 километры, дойду 17 эрэгийиэнин устун айаннаатылар. Онон ыһыах өрөгөйүн үрдэтэн, түһүлгэҕэ саха аттара киирдилэр.

М_ысыах_дугуйдаан.jpg

Өрөспүүбүлүкэ Бастайааннай бэрэстэбиитэлэ-Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Андрей Федотов, океанолог учуонай, Арктиканы уонна Антарктиканы чинчийээччи, Арассыыйа наукаларын академиятын чилиэн-кэрэспэндиэнэ, Арассыыйа Географическай уопсастыбатын бастакы вице-президенэ Артур Чилингаров, атынан эспэдииссийэ кыттыылаахтара Дугуйдаан Винокуров уола Дарханныын уонна Мичил Неустроев Ыһыаҕы арыйыы сиэригэр-туомугар кытыннылар.

М_ысыах_-_выыставка.jpg
– Биир дойдулаахтарбытыгар уонна күндү ыалдьыттарбытыгар ыһыахха кэлбиккитигэр махтанабыт. Биһиги ыһыахпыт түһүлгэтэ сыллата кэҥээн, ыалдьыта элбээн, элбэх омугу түмэр түһүлгэ буолан иһэр, – диэтэ Андрей Федотов.

М_ысыах_выстаки-2.jpg
Москуба куорат Бырабыыталыстыбатын Национальнай бэлиитикэҕэ уонна эрэгийиэннэр икки ардыларынааҕы сибээскэ департаменын салайааччы Виталий Сучков киин куорат баһылыга Сергей Собянин аатыттан эҕэрдэ суругу туттарарыгар, сыллата тэриллэр саха Ыһыаҕа дойду киин куоратын култуурунай уонна уопсастыбаннай олоҕор дьоһун суолталааҕын бэлиэтээтэ.

М_Ысыах_тустуу.jpg

Ити курдук эҕэрдэлэрин Артур Чилингаров, Федерация Сэбиэтин федеративнай тутулга, эрэгийиэннээҕи бэлиитикэҕэ, олохтоох салайыныыга уонна Хотугу сир дьыалаларыгар кэмитиэтин бэрэссэдээтэлин солбуйааччы Александр Акимов, Нам улууһун баһылыга Юрий Слепцов эттилэр.

М_ысыах_маастаер_клас.jpg

Коломенскай былаһаакката бу күн устатыгар Саха сирин баай култууратын, төрүт үгэстэрин, талааннаах дьонун-сэргэтин кытары билсиһии түһүлгэтэ буолла. Максим Кирович Аммосов төрөөбүтэ 125 сылыгар анаммыт историческай экспозиция, Саха Өрөспүүбүлүкэтин 100 сылыгар анаммыт архыып докумуоннарын быыстапката, Нам улууһун уонна өрөспүүбүлүкэ уран тарбахтаахтарын сылгы кылыттан, туостан, таҥастан, көмүстэн уус уран оҥоһуктарын быыстапката толору тардылынна, маастар-кылаастар ыытылыннылар.

М_ысыах_котюм.jpg

Саха национальнай куукунатын аһа-үөлэ улахан кэрэхсэбили ылла. Тоҥ балыгы кыһыыга уонна аһастаах дьон көрдөөх күрэхтэһиилэрэ көҕү көҕүлүттэн туттулар.

М_ысах_строганина.jpg
Өрөспүүбүлүкэ биллиилээх ырыаһыттарын, айар кэлэктииптэрин кэнсиэртэрэ, саха таҥаһын куонкуруһа, илии-атах оонньууларыгар, мас тардыһыытыгар, хапсаҕайга, тутум эргииргэ көрөөччү да, кыттааччы да бэрт үгүс буолла. Үбүлүөйдээх Ыһыах оһуохайынан түмүктэннэ.
М_ысаых_осуохай.jpg

Хаартыскалар Москуба Бырабыыталыстыбатын иһитиннэрэр-биллэрэр киинин сайтыттан ылылыннылар

  • 4
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Бэлиитикэ

Боччумнаах кэпсэтиилэр

Ил Дархан Айсен Николаев Арассыыйа Федерациятын Бырабыыталыстыбатын Бэрэссэдээтэлэ Михаил…
17.08.22 09:04
Уопсастыба

Өрөмүөн саҕаланна...

Атырдьах ыйын ортотуттан саҥа үөрэх дьылыгар, сайыҥҥы уоппуска кэнниттэн үлэҕэ тахсарга…
17.08.22 08:33