Издательский дом Редакция Подписка
Погода в Якутске: . 17 oC

Саха Өрөспүүбүлүкэтин Уопсастыбаннай балаататын чилиэнэ, Саллааттар уонна мотуруостар төрөппүттэрин өрөспүүбүлүкэтээҕи кэмитиэтин салайааччы, Мария Емельянова бу күннэргэ Уһук Илиннээҕи байыаннай чааска тиийэн үлэлии сылдьар.

Саха Өрөспүүбүлүкэтин Уопсастыбаннай балаататын чилиэнэ, Саллааттар уонна мотуруостар төрөппүттэрин өрөспүүбүлүкэтээҕи кэмитиэтин салайааччы, Мария Емельянова бу күннэргэ Уһук Илиннээҕи байыаннай чааска тиийэн үлэлии сылдьар.

Мария Егоровна бэҕэһээ, ол эбэтэр ыам ыйын 23 күнүгэр, Хабаровскай кыраай Бикин куоратыгар баар байыаннай чааска сулууспалыы сылдьар биир дойдулаахтарбытын көрүстэ.

би_--_001.jpeg

Ол туһунан саллаат уолаттар маннык суруйдулар:

Саллааттар уонна мотуруостар төрөппүттэрин өрөспүүбүлүкэтээҕи кэмитиэтин салайааччы Мария Егоровна кэлэн, биһиэхэ олус истиҥ-иһирэх көрсүһүүнү тэрийдэ, сахалыы ыһыаҕы ыста.

Бары сиэри-туому тутуһан, алгыс этэн, аал уокка арыылаах алаадьынан айах тутта. Ийэбит барахсан кэһиитин быырпах уонна алаадьы астаан аҕалбытын бары үллэстэн сиэтибит.

11111.jpeg

Сахалыы илии-атах оонньууларыгар күрэхтэстибит. Сахалар бары түмсэн, көрсүһэн,  ийэ тылбытынан ирэ-хоро кэпсэтэн, төрүт аспытын аһаан-сиэн, сэргэхсийдибит, дууһалыын сынньанныбыт. Дойдубут ахтылҕанын таһаардыбыт.  

би_-3.jpeg

Мунаарар ыйытыыларбытыгар чопчу хоруйдары ыллыбыт. Кэмитиэт кэлин да өссө кэлэрэ наhаа үчүгэй буолуо этэ. Улахан махтал кэлэ сылдьыбыккытыгар, ааспыт быраhынньыгынан уонна этэҥҥэ айаны, сымнаҕас суолу баҕарабыт.

би_-1.jpeg

Мария Егоровна саха уолаттара сулууспалыыр байыаннай чаастарын командованиетын кытары ыкса сибээһи тутар, кэмиттэн кэмигэр тиийэн көрсөр, дойду кэһиитин тиэрдэр, кыһалҕалаахтарга көмөлөһөр, ийэлии сүбэлиир-амалыыр.

хомус.jpeg

Холобур, быйыл саас эрдэттэн кэпсэтии ыытан, көҥүл ылан, кыраапыкка туруортаран, ыам ыйын 20 күнүттэн саҕалаан байыаннай чаастарынан сылдьан, көрсүһүү тэрийэр, ыһыах ыһар.  Киниэхэ ситиһиилээх сырыыны баҕарабыт. 

би-_4.jpeg

  • 7
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением