Ардахтатыы эспэримиэнэ түмүктэннэ
Издательский дом Редакция Подписка
Погода в Якутске: . -0 oC

Киин аэрологическай обсерватория (Росгидромет) Як-42Д лаборатория-сөмөлүөтэ Уус Маайа улууһугар тиһэх көтүүтүн оҥордо, бүгүн бөлөх Москубаҕа төннөр.

Киин аэрологическай обсерватория (Росгидромет) Як-42Д лаборатория-сөмөлүөтэ Уус Маайа улууһугар тиһэх көтүүтүн оҥордо, бүгүн бөлөх Москубаҕа төннөр.

Бэҕэһээ ыксаллаах быһыы-майгы хамыыһыйатын мунньаҕар Бырабыыталыстыба бэрэссэдээтэлин солбуйааччы Дмитрий Садовников үтүө суобастаах үлэтин иһин, сөмөлүөт экипаһыгар махталын биллэрдэ, наҕараадалары туттарда.

– Былыты хомуйан, ардаҕы түһэрии ойуур баһаарын кутталын кылааһын аччатарга үчүгэй түмүктээҕин көрдөрдө, онон кэлэр да сылларга бу хайысханан салгыы үлэлиэхпит. Өрөспүүбүлүкэ Ил Дарханын сорудаҕа оннук, – диэтэ Дмитрий Садовников.

Ардахтатыы_-_2.jpg

Киин аэрологическай обсерватория былыт физикатыгар уонна көхтөөх дьайыытыгар салаатын начальнига, бөлөх салайааччыта Баграт Данелян сөҥүүнү искусственнайдык түһэрии былырыыҥҥыга тэҥнээтэххэ, ойуурга баһаар турар кутталын биллэрдик аччаппытын эттэ.

– Исписэлиис быһыытынан мин бу уустук процеһы сүрүннүүр кыахтары үөрэтиигэ маннык эспэримиэни тэрийбитин иһин Саха Өрөспүүбүлүкэтин салалтатыгар махтанабын. Сөҥүүнү искусственнайдык түһэрии түмүгэр, сир сиигирэн, баһаар турар куттала биллэрдик намтатылынна. Оттон ыаллыы эрэгийиэннэргэ маннык үлэ ыытыллыбатах буолан, уот туруута быдан үрдүк буолла. Быйыл сайыҥҥы үлэбит түмүктэрин бигэргэтэр инниттэн эспэримиэни салгыыр итиэннэ научнай-методическай төрүттэрин оҥорор ирдэнэр, – диэтэ кини.

Ардахтатыы_-_3.jpg

Ыам ыйын 14 күнүттэн саҕалаан Росгидромет зондировщик сөмөлүөттэрэ өрөспүүбүлүкэ Быыһыыр сулууспатын кытары түһэрсиллибит дуогабар быһыытынан, 27 көтүүнү (130 чаас) оҥордулар, 3000 пироботуруону ыттылар. Ыытыллыбыт үлэ түмүгүнэн Арассыыйа Федерациятын Бэрэсидиэнигэр уонна Ил Дархаҥҥа дакылааттар түһэриллиэхтэрэ.

Билигин үс улууска (Алдаҥҥа, Ньурбаҕа, Үөһээ Бүлүүгэ) ыксаллаах быһыы-майгы эрэсиимэ уһулунна, ол эрээри федеральнай Авиалесоохрана Ан-26 «Циклон» зондировщига үлэлии хаалла. Росгидромет сөмөлүөттэрэ баһаары бохсууга, баһаар кутталын кылааһын намтатыыга туһаныллыбыт буоллахтарына, Ан-26 сөмөлүөт быһаччы уоту умуруорууга үлэлиир, баһаар баар улуустарыгар сылдьар. Билиҥҥи туругунан, 29 ойуур баһаара уонна 2 ландшафтнай баһаар баар. Сайыҥҥы куйаас кэмҥэ 100 ойуур баһаара бэлиэтэммитэ. Атырдьах ыйын бастакы дэкээдэтигэр 150 умайыы бохсулунна. Онуоха зондировщик сөмөлүөттэр күүһүрдүбүт ардахтара улаханнык көмөлөспүттэрэ.

Ардахтатыы_-4.jpg

Санатан эттэххэ, Владимир Путин бэс ыйын саҕаланыытыгар Айсен Николаев этиитин өйөөн, Саха сиригэр ардаҕы ыҥырыыга эспэримиэн оҥорорго Бырабыыталыстыбаҕа сорудах биэрбитэ. Эппиэттээхтэринэн премьер-миниистир Михаил Мишустин уонна Айсен Николаев анаммыттара диэн Ил Дархан уонна Бырабыыталыстыба пресс-сулууспата иһитиннэрэр.

Мария Васильева, ЯСИА хаартыскаҕа түһэриилэрэ

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Политика

Махтанарын үөрэ истибитим

Быыбардар буолан аастылар. Астыммыт уонна астымматах, сөхпүт, соһуйбут да баар. Владимир…
26.09.22 13:05