Былаан быһыытынан, быйыл 2041 дьиэҕэ гаас ситимэ тиэрдиллиэхтээҕиттэн 2750 дуогабар түһэрсэн, 1750 дуогабара толорулунна, бу ыйга уонна балаҕан ыйыгар гаас ситимэ 1000 дьиэҕэ тиэрдиллиэҕэ диэн Алексей Колодезников иһитиннэрдэ. Дьиэ иһигэр гаас ситимин тардыыны үгүс ыал күһүҥҥүгэ хаһаанар идэлээҕинэн сибээстээн, хампаанньа улуустары кытары бу боппуруоска күүскэ үлэлиэҕэ.
– Билиҥҥи туругунан 290 эрэ дьиэ гааска холбоммубут, онон үлэ түргэтитиллиэхтээх, – диэтэ Айсен Николаев.
Маны таһынан, гаас сүрүн үөһүн «Кыһыл-Сыыр – Мастаах — 84 км» үһүс утаҕы тардыы боппуруоһа таарыйыланна. Алексей Колодезников этэринэн, билиҥҥи туругунан 13 км усталаах ситим тардыллыбыт, сыл бүтүөр диэри өссө 20 км усталаах ситим тардыллыахтаах.
– Киин улуустары хааччыйар буолан, үһүс утах тардыллыыта биһиэхэ улахан суолталаах. Онон бу кылгас кэм иһигэр тлоруддуохтаах сорук буолар, — диэтэ Ил Дархан.
«Кыһыл-Сыыр — 84 км» утаҕы тардыы 1999 сылтан 2014 сылга диэри ыытыллыбыта, үп-харчы кыайан көстүбэккэ, аҕыс сыл тохтотуллан баран, федеральнай киинтэн өйөбүл көрүллэн, үлэ быйылгыттан саҕаланна.
-
0
-
0
-
0
-
0
-
0
-
0
