- Быйыл оройуон нэһилиэнньэлээх пууннарын гаастааһынын саҕалыахпыт. 2026 сылга бары үлэлэри түмүктүүр былааннаахпыт. Бу Өлүөхүмэ оройуонун сайдыытын уонна олоҕун хаачыстыбатын биллэрдик тупсарыа, - диэтэ Айсен Николаев. СӨ Бырабыыталыстыбатын "Сахатранснефтегаз" хампаанньа уонна оройуон салалтатын иннигэр туһааннаах үлэлэри ыытарга улахан соругу туруорда.
Санатахха, «Газпром» хампаанньа кытта түһэрсиллибит сөбүлэһии чэрчитинэн, «Сибиир күүһэ» магистральнай гаас турбатын ситимигэр чугастык сытар 21 нэһилиэнньэлээх пууҥҥа, ол иһигэр Өлүөхүмэ оройуонун 10 нэһилиэгэр гаас ситимэ тиэрдиллиэҕэ: Үнкүр, Улахан Муҥку, Өлүөхүмэ, Кээччи, Абаҕа, Киин Абаҕа, Нефтебаза, Селиваново уонна Солянка сэлиэнньэлэрэ.
«Сахатранснефтегаз» хампааньа эрэгийиэннээҕи операторын салайааччыта Алексей Колодезников былырыын «Газпром» хампаанньаны кытта дуогабар түһэрсиллэн, «Сибиир күүһэ» гаас ситимиттэн «Өлүөхүмэ» гаас ситимигэр уонна Өлүөхүмэ куоракка диэри саҥа гаас ситимэ оҥоһулларын туһунан иһитиннэрдэ. – Хантараакка илии баттаммыта, быйыл үлэтэ саҕаланыа. Сүүһүнэн биэрэстэ усталаах гаас ситимэ тардыллыа.
-
1
-
0
-
0
-
0
-
0
-
0
