Издательский дом Редакция Подписка
Погода в Якутске: . 17 oC

Ытыктабыллаах Ньурба улууһун бары олохтоохторо, ыалдьыттар, Алексей Михайлович, Владимир Михайлович!

Эһигини «Саха Сирэ – киһи аймахха» диэн этническэй бэстибээл ырыаҕа ылламмыт, хоһооҥҥо холбоммут Киэҥ  Ньурба сиригэр аһыллыбытынан, Саха Өрөспүүбүлүкэтин Ил Түмэнин уонна Саха Өрөспүүбүлүкэтин Ил Дарханын иһинэн Олоҥхо Национальнай кэмитиэтин ааттарыттан эҕэрдэлиибин! Ыҥырыыгыт иһин махтанабын.

Ытыктабыллаах Ньурба улууһун бары олохтоохторо, ыалдьыттар, Алексей Михайлович, Владимир Михайлович!

Эһигини «Саха Сирэ – киһи аймахха» диэн этническэй бэстибээл ырыаҕа ылламмыт, хоһооҥҥо холбоммут Киэҥ  Ньурба сиригэр аһыллыбытынан, Саха Өрөспүүбүлүкэтин Ил Түмэнин уонна Саха Өрөспүүбүлүкэтин Ил Дарханын иһинэн Олоҥхо Национальнай кэмитиэтин ааттарыттан эҕэрдэлиибин! Ыҥырыыгыт иһин махтанабын.

Бу бэстибээл Ньурба улууһун олохтоохторун, уопсастыбаннаһын көҕүлээһиннэринэн, муниципальнай уонна судаарыстыбаннай былаас уорганнарын өйөбүллэринэн, тэриллэн ыытылларынан ордук кэрэхсэбиллээх. Тэрийээччилэр бэрт интэриэһинэй, киэҥ ис хоһоонноох бырагырааманы бэлэмнээбиттэр. Биһиги норуоппут декоративнай-прикладной ускуустуба эйгэтигэр уонна тимири уһаныыга үгэстэрин араҥаччылыырга, тарҕатарга олус наадалаах дьаһаллары таһынан, бырагыраамаҕа биллиилээх бэйиэт, эпосовед, судаарыстыбаннай, уопсастыбаннай диэйэтэл Сергей Степанович Васильев-Борогонскай төрөөбүтэ 115 сааһын бэлиэтээһин, саха дьахталларыттан бастакы бэйиэт Варвара Потапова, бэйиэт, публицист Василий Гольдеров саҥа тахсыбыт кинигэлэрин биһирэмин о.д.а. курдук дьоһун духуобунай суолталаах тэрээһиннэр киирбиттэр.

Бэстибээл сорох дьаһаллара 2012 сыллаахха Олоҥхо Ыһыаҕа ыһыллыбыт, Айыы көтөрдөрө кыталыктар тайан ааспыт, ааттыын Кыталыктаах алааһыгар ыытыллаллара ураты суолталаах. Олоҥхо Ыһыаҕар тиийбит тыһыынчанан ыалдьыт Ньурба дьоно-сэргэтэ саха материальнай уонна духуобунай култууратын хайдах курдук араҥаччылаан илдьэ сылдьалларын, сайыннаралларын, кэнчээри ыччаттарыгар тиэрдэргэ кыһаналларын илэ көрөн-истэн итэҕэйбиттэрэ.

Бэстибээл ситиһиилээхтик ыытылларыгар баҕарабын. Киэҥ Ньурба, Күөх Ньурба дьонугар-сэргэтигэр истиҥ эҕэрдэбин ыытабын. Этэҥҥэ олоруҥ, дьоллоох-соргулаах буолуҥ!

Александр Жирков, Ил Түмэн Бэрэссэдээтэлин бастакы солбуйааччы.

2022 сыл, балаҕан ыйын 7 күнэ

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением