Издательский дом Редакция Подписка
Погода в Якутске: . -38 oC

Быйыл кэккэ улуустарга от кэмчи уонна хаачыстыбата мөлтөх. Онон, урукку үгэһи сөргүтэн, күөл былыыгын (сапропелы) хостоон, сүөһүгэ-сылгыга эбии аһылык быһыытынан туттуохха сөп.

Быйыл кэккэ улуустарга от кэмчи уонна хаачыстыбата мөлтөх. Онон, урукку үгэһи сөргүтэн, күөл былыыгын (сапропелы) хостоон, сүөһүгэ-сылгыга эбии аһылык быһыытынан туттуохха сөп.

Былыык күөл салахайдарыттан, ууга үүнэр оттор уонна араас харамайдар тобохторо сытыйыытыттан үөскээбит. Бөлүөҕүрбүт былдьырхай көрүҥнээх, хостуур кэмҥэ балык, бадараан сыттаах, итиэннэ араас күөл былыыга тус-туһунан (бороҥ, саһархай, хараҥа күөхтүҥү, үрүҥнүҥү, кытархайдыҥы)
өҥнөөх буолар. Наһаа туойдаах, кумахтаах былыыгы сүөһүгэ сиэтиллибэт, онон туттуох иннинэ бэрэбиэркэлэтэр ордук. Ити эрээри, сопхуос саҕана былыыга хостоно сылдьыбыт күөллэр анаалыстаммыт буолуохтаахтар, олору куттаммакка туһаныахха сөп.

Былыык эбии аһылык быһыытынан, сопхуос саҕана маассабайдык туһанылла сылдьыбыта. Былыыгы эргэ биэдэрэ түгэҕин сиидэ курдук дьөлүтэ тэһэн баран, уһун ураҕаска баайан, хостууллара. Биир ойбонтон сүүһүнэн биэдэрэ былыыгы ылан, комбикуоруму, тууһу булкуйаат тоҥорон иһэллэрэ. Дьиҥинэн, тоҥмут былыык битэмииннэрин сороҕун сүтэрэр, онон сибиэһэйдии сиэтэр ордук.

Наука этэринэн, былыык хамсыыр харамайга туһалаах микро-элэмиэннэринэн, битэмииннэринэн баай буолан, үчүгэй былыыктаах күөлгэ балык арааһа үөскүүр, кус сөбүлээн түһэр. Былыыгы сиэбит кыра сүөһү төлөһүйэр, улаатар, биэ төрүөҕэ тупсар, дьүдэйбит сүөһү-сылгы түргэнник өрүттэр, ынах үүтэ элбиир.

Сүөһү-сылгы бастаан утаа былыыгы үчүгэйдик сиэбэт, ол иһин комбикуорманы, тууһу эбиллэр. Аччык эрдэхтэринэ, сарсыарда биэрэр ордук. Онуоха нуормата маннык: ньирэйгэ, убаһаҕа уонна сибиинньэ оҕотугар – 50 г, алта ыйдарыттан – 500 г, улахан сүөһүгэ, сылгыга уонна сибиинньэҕэ – 1,5-2 кг., кууруссаҕа — сымыыттыыр кэмигэр төһөнү сииринэн.

Былыык оҕуруот буорун байытарга эмиэ олус туһалаах. Быйыл, от хаачыстыбата мөлтөх итиэннэ комбикуорум да, эбиэс да сыаналара ыараабыт кэмигэр, айылҕа бэйэтэ уунан биэрэр баай састааптаах, бастыҥ эбии аһылык буолара дакаастаммыт күөл былыыгын хостоон, сүөһүбүтүгэр уонна сылгыбытыгар сиэтэрбит туһаттан атыны аҕалыа суоҕа.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением