Биэдэмистибэ маннык бирикээhэ ахсынньы 23 күнүгэр правовой информация официальнай интернет-порталыгар таҕыста.
Кэлэр 2023 сылтан Арассыыйа оскуолаларыгар «кѳмүс стандарты» — барыларыгар биир кэлим үѳрэх бырагыраамаларын киллэриэхтэрэ. Сорох биридимиэттэргэ, холобур, литэрэтиирэҕэ стандарт булгуччулаах буолуоҕа.
10-11 кылаастарга литэрэтиирэ нэдиэлэҕэ үстэ бэриллэр буолуоҕа. Холобур, 11 кылаас үѳрэнээччилэрин ХIХ үйэ бүтэhигин - ХХ үйэ саҕаланыытын (Куприн, Горькай, Үрүң кѳмүс үйэ поэттара) уонна ХХ үйэ литэрэтиирэтин (Бунин, Блок, Маяковскай, Есенин, Мандельштам уо.д.а.) кытта билиhиннэриэхтэрэ. Бүтэhик блокка Александр Фадеев «Молодая гвардия» романа эмиэ киирэр.
«Оҕолорго дьиңнээх дьоруойдар уобарастара, хорсун быhыы уонна санаа күүhүн холобурдара наадалар», - диэн Госдума үѳрэхтээhиңңэ кэмитиэтин чилиэнэ Лариса Тутова саңа киллэрии туhунан быhаарар.
Кини санаатынан, бырагыраамаҕа урут киирэ сылдьыбыт айымньылары — холобур, Борис Полевой «Повесть о настоящем человеке», Аркадий Гайдар «Горячий камень», Школа», «Тимур и его команда» уо.д.а. сэбиэскэй суруйааччылар кэккэ айымньыларын киллэрэр туhунан боппуруоhу эмиэ кѳрүѳххэ наада.
-
0
-
0
-
0
-
0
-
0
-
0
