Издательский дом Редакция Подписка
Погода в Якутске: . -11 oC

Онуоха диэри бу сыл балаҕан ыйын 1 күнүттэн улахан кылаастар үѳрэнээччилэрэ бу биридимиэти ОБЖ чэрчитинэн үѳрэтиэхтэрэ. Ол туhунан «Парламентскай хаhыат» иhитиннэрэр.

Онуоха диэри бу сыл балаҕан ыйын 1 күнүттэн улахан кылаастар үѳрэнээччилэрэ бу биридимиэти ОБЖ чэрчитинэн үѳрэтиэхтэрэ. Ол туhунан «Парламентскай хаhыат» иhитиннэрэр.

Начаалынай байыаннай бэлэмнээhини (НВП) оскуолаҕа туспа биридимиэтинэн оҥорор туhунан боппуруоhу РФ үѳрэҕириитин министиэристибэтин бэрэстэбиитэллэрин кытта сүбэ мунньахха Федерация Сэбиэтигэр дьүүллэстилэр.

Ааспыт 2022 сыл бүтэhигэр биэдэмистибэ оскуола үѳрэҕин бырагырааматын бигэргэтии туhунан бирикээhигэр НВПны ОБЖ биридимиэтин иhинэн үѳрэтэргэ этиллибитэ. 2023 сыл олунньу ыйыгар НВПны уруок таhынааҕы үѳрэтии бырагыраамата бигэргэтиллибитэ, ол эбэтэр 35 чаастаах үѳрэх хомуура.

Ол эрээри билиҥҥи быhыыга-майгыга бу ситэтэ суох диэн сенатордар бэлиэтээтилэр. Сенатордар уонна экспертэр санааларынан, оскуола үѳрэнээччилэригэр НВП куурса сылга 35 чаас буолбакка, онтон үс тѳгүл элбэхтик бэриллиэхтээх. Ол туhунан Федерация Сэбиэтин оборуонаҕа уонна куттал суох буолуутугар Кэмитиэтин бэрэссэдээтэлин солбуйааччы Юрий Валяев эттэ.

«Бу позицияны кэмитиэккэ улахан аҥаарбыт тутуhар, итиэннэ НВП куурсун туспа биридимиэтинэн оҥорорго этэллэр. Анал байыаннай эпэрээссийэ саҕаланыаҕыттан Аҕа дойдубутун кѳдьүүстээхтик кѳмүскүүргэ байыаннай бэлэмнээhин уобалаhыгар билиилэри эрдэттэн, утумнаахтык ылан саҕалыахтаахпыт ырылхайдык ѳйдѳннѳ», - диэтэ кини.

Федерация Сэбиэтин наукаҕа, үѳрэхтээhиҥҥэ уонна култуураҕа Кэмитиэтин бэрэссэдээтэлин солбуйааччыта Екатерина Алтабаева: «Оскуолаҕа уолаттар, ордук улахан кылаас үѳрэнээччилэрэ, Ийэ дойдуну кѳмүскүүргэ бэлэм буолуохтаахтар — тиэхиниичэскэй, психологическай уонна идеологическай ѳттүнэн», - диэтэ. Онуоха федеральнай судаарыстыбаннай үѳрэтэр стандартарга, онтон салгыы федеральнай бырагыраамаларга уларытыылар киириэхтээхтэр.

Госдума оборуонаҕа Кэмитиэтин бэрэссэдээтэлэ Андрей Картаполов биридимиэти аармыйаҕа сулууспалаабыт уонна СВОҕа кыттыбыт дьон үѳрэтиэхтэрин сѳбүн эттэ.

Хаартыска аhаҕас источниктан ылылынна.

  • 0
  • 0
  • 0
  • 0
  • 0
  • 1

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением