Уопсастыба

"Доруобуйа харыстабыла” национальнай бырайыак чэрчитинэн тутуллубут күнүскү стационардаах амбулаторияны ”Основа” ХЭТ икки ый иһигэр тутан үлэҕэ киллэрдэ.

Саҥа дьиэҕэ киирэргэ кыhыл лиэнтэни СѲ доруобуйа харыстабылын министиэристибэтин улэтин хааччыйыыга салалтатын дириэктэрэ Альберт Михайлович Жирков, «Ньурба оройуона» муниципальнай оройуон баһылыгын социальнай боппуруостарга солбуйааччыта Наталья Семеновна Петрова, «Күндээдэ нэһилиэгэ» МТ баһылыга Яков Евгеньевич Замятин, балыыһабыт сэбиэдиссэйэ быраас Нина Владиславовна Матвеева быстылар.

Күндээдэ балыыhатын кэлэктиибин үлэhиттэрэ врачебнай амбулатория сабыс-саңа дьиэтин бэлэх тутан, үлэлиир-хамсыыр санаалара ѳссѳ күүhүрбүтүн этэллэр.

Кинилэр: «Саҥа дьиэ алгыһын Алиса Михайловна Иннокентьева ыытта. Тэрээһиммит саҕаланыаҕыттан ыйан-кэрдэн, сүбэлээн-амалаан, «Кэнчээри» оҕо саадын сэбиэдиссэйэ Венера Ивановна Степанова сылдьыста. Нэһилиэк «Далбарай» түмсүүтэ уонна ыччаттара алгыстаах аартыгы сэлэлии турбуттара үс бүтэй күрүө буолан бэртээхэйдик көһүннэ.

 «Туску» норуот айымньытын дьиэтигэр бэтэрээннэрбитигэр, үлэһиттэрбитигэр наҕараадалар туттарылыннылар: Егорова Л.М., Максимова Т.Н. - СѲ Бырабыыталыстыбатын бэрэссэдээтэлин махтал суруга; Акимов В.П. - «СѲ автомобильнай транспорын бочуоттаах үлэһитэ» түөскэ кэтиллэр бэлиэ; Матвеева Н.В. - СѲ доруобуйа харыстабылын миниистирин махтал суруга; Матвеева Н.Н., Николаева Н.Н. - «Ньурба оройуона» МО баһылыгын бочуотунай грамотата; Алексеева Р.Е., Алексеева Р.Н., Яковлева Н.А. - «Ньурба оройуона» МО баһылыгын махтал суруга; Мартынова А.С., Андреева М.А. - Күндээдэ нэһилиэгин баһылыгын махтал суруга; Акимов В.П., Кондратьева Л.Н. - СѲ Ил Түмэнин Махтал суруга; Саввинова В.П., Семенова М.С. - Ньурба оройуонун Сэбиэтин махтал суруга; Сергеева АС. Ананьева А.А., Дмитриева Н.П. – «Ньурба Киин балыыһатын бочуоттаах үлэһитэ» түөскэ кэтиллэр бэлиэ; Александрова В.А., Герасимова З.Е., Дмитриева Е.Н., Иванов О.В., Иванова Т.Н. Саввинова В.А. - Ньурба Киин балыыһатын кыл. бырааһын махтал суруга; Кондратьева Л.Н. Егорова Л.М. - «Капитал» МС» ХЭТ салаатын бочуотунай грамотата.

 «Капитал» медицинскай страховкалааһын» тэрилтэтэ, И.В. Николаев-Бытык-Уйбаан аат. «Күндээдэ» ААУо, араас сылларга үлэлээн ааспыт медиктэр харчынан сертификаттары, биир дойдулаахтарбыт Саввинов Р.С., Потапов П.В., Копылов С.В., Обулахов Н.Д., Потапов И.В., Дмитриев А.А., Саввинов Н.И., Данилов А.Р.,  Иванов М.М. элбэх функциялаах принтеры, харысхалы, «Кэнчээри» оҕо саадын кэлэктиибэ уу харчыны, «Хомсомуол Албан аата» түмэл балыыһабыт историятын кэпсиир альбому, минньигэс туорду Кондратьева И.В. бэлэх ууннулар.

Бырааһынньык үөрүүлээх чааһын аһыллыытыгар үҥкүүлээбит оҕолорбутугар (сал. Г.П. Степанова), ырыанан киэргэппит Л.В. Сысоевка, А.П. Ананьевка, саҥа дьиэбит тэрилин таҥан туруорбут эр дьоммутугар махталбыт улахан», - диэн үллэhиннилэр.