Күрэххэ кыттарга профессиональнай архитектордар, дизайнердар, бырайыактыыр-сметнай документацияны оңорор уопуттаах бырайыактыыр тэрилтэлэр ыңырыллаллар.
Тупсарыллыахтаах территориялар сайаапкалары хомуйуу түмүктэринэн талыллыбыттар. Барыта 128 сайаапка 19 муниципальнай оройуонтан уонна биир куорат уокуругуттан киирбит. Онтон Томмот к. кѳрѳр площадка, Амма с. «Тэтим» уопсастыбаннай эйгэ, Павловскай с. Киин паарка, Нам с. Доҕордоhуу болуоссата уонна Чульман бѳh. Кыайыы скверэ талыллыбыттар.
Куонкурус 2023 сыл олунньу 6 күнүттэн муус устар 14 күнүгэр диэри ыытыллар. Куонкурус кыайыылаахтара бырайыактыыр-сметнай документацияны оңорор быраабы ылыахтара.
Сайаапкалар 2023 сыл муус устар 10 күнүгэр диэри Адрес электронной почты защищен от спам-ботов. Для просмотра адреса в вашем браузере должен быть включен Javascript. электроннай аадырыска ыытыллаллар. Куонкурус балаhыанньатын кытта архитектура управлениетын сайтыгар билсиэххэ сѳп:
(https://uaig.sakha.gov.ru/architect.konkursy).
«Тыыннаах эйгэлэр» («Живые пространства») архитектурнай куонкурус Саха Сиригэр 2020 сылтан ыытыллар. Сыала – Саха Сирин сэлиэнньэлэригэр аныгы уопсастыбаннай эйгэлэри оңорууга бастың этиилэри булан таhаарыы. Ол түмүгэр ѳрѳспүүбүлүкэ куораттарын уонна дэриэбинэлэрин туруктаах сайдыылара хааччыллар, олох хаачыстыбата тупсар, ѳңѳ эйгэтэ — уулуссатааҕы атыы-кутуу, уопсастыбаннай аhылык, туризм уонна саңа биисинэс сайдарыгар олук ууруллар.
-
0
-
0
-
0
-
0
-
0
-
0
