Издательский дом Редакция Подписка
Погода в Якутске: . -11 oC

Куоракка маҕаһыыҥҥа, оптуобуска, поликлиникаҕа үгүс дьон олохсуйбут үгэһинэн нууччалыы кэпсэтэллэр. Туораттан көрдөххө, бары сахалар эрээри төрөөбүт тылбытынан саҥара сатаабаппыт, улахаҥҥа уурбаппыт хайдах эрэ сүөргү соҕус.   

Куоракка маҕаһыыҥҥа, оптуобуска, поликлиникаҕа үгүс дьон олохсуйбут үгэһинэн нууччалыы кэпсэтэллэр. Туораттан көрдөххө, бары сахалар эрээри төрөөбүт тылбытынан саҥара сатаабаппыт, улахаҥҥа уурбаппыт хайдах эрэ сүөргү соҕус.   

Кэлэр нэдиэлэҕэ олунньу 13 күнүгэр өрөспүүбүлүкэҕэ Ийэ тыл уонна сурук-бичик күнүн бэлиэтиэхпит. Бу бэлиэ күнү көрсө бэйэм тэттик санааларбын тиһиэхпин баҕардым.

Дьоллоох Дьокуускай куоракка сахалыы эйгэ олохтонорун туһугар, мин санаабар, хас биирдии тэрилтэ аайы мунньахтары (50/50) нууччалыы/сахалыы ыытыахха наада. Бастатан туран, бырабыыталыстыба, Ил Түмэн, куорат дьаһалтатын, элбэх үлэһиттэрдээх бөдөҥ хампаанньалар таһымнарыгар. Оччоҕуна эрэ дьон саха тылын билэ, үөрэтэ, кэпсэтэ сатыахтара.

Сахалыы сатаан саҥарбат дьоҥҥо  онлайн-оскуола тэрийиэххэ, тэрилтэ аайы киирэн үөрэнэллэрин ирдиэххэ. Үөрэх түмүгүнэн экзамены ситиһиилээхтик туттарбыт, тэрилтэ үрдүнэн саамай үрдүк баал ылбыт 3-5 киһиэхэ харчынан бириэмийэ олохтуохха.

Иккиһинэн, тэрилтэлэр, биэдэмистибэлэр икки ардыларыгар дьыалабыай суруктары эмиэ 50/50 сахалыы суруйары, эппиэттиири ирдиэххэ. Ити ирдэбили тутуспут тэрилтэлэри наҕараадалыахха, бээтинсэҕэ, эбэтэр уочаратынан атын күҥҥэ эбиэккэ диэри үлэлэтиэххэ, сынньалаҥнарын уһатан биэриэххэ.  

Үсүһүнэн, уопсастыбаннай сиргэ вывескалары, рекламаны, биллэриини сахалыы оноруохха.  

Төрөөбүт тыл суолтатын сылга биирдэ эрэ саныыр тутах, Ийэ тыл күнүгэр ыһыах курдук сахалыы таҥнан кэлэр маскараат курдук көстөр. Онон саха тылын Ийэ тыл күнүгэр эрэ буолбакка, күннээҕи олоххо киллэриэххэ, мунньахтары, дьыалабыай суругу-бичиги, саайтары, вывескалары сахатытыахха наада. Оччоҕо биирдэ тылбыт суолтата сүтүө суоҕа.

Аныгы дьон билигин үксэ куйаар ситимигэр сонуннары ааҕар, оттон сонуннары тарҕатар саайтар, телеграм-канааллар бары нууччалыы сырдаталлар. Ол иһин сонуннары тиэрдэр ситим үлэһиттэрэ 50/50 көрөн сонуннары, ыстатыйалары, интервьюлары сахалыы таһааралларын ирдиэххэ.  

Уопсайынан, сахалыы тыллаах суруналыыстары өрө тутар, хамнастарын үрдэтэр кэм уолдьаста. Кинилэр нууччалыы ыытыллар мунньаҕы сахалыы ырытан суруйалларыгар, дьоҥҥо өйдөнөр гына ону тиэрдэллэригэр үгүс бириэмэ, сыра-сылба барар. Сахалыы тыллаах суруналыыстар хамнастара эбилиннэҕинэ, төрөөбүт тылларынан суруйар-бичийэр, саха эйгэтин кэҥэтэр, тэнитэр дьон үксүөхтэрэ.

Билиҥҥи олох көрдөрөрүнэн, социальнай ситимҥэ блогердыыр дьон биир кылгас пуостарыгар 15 000 солк. ылар буоланнар, эдэр талааннаах дьон суруналыыстыкаҕа кыра хамнаска кэлэ сатаабаттар. Онон сахалыы тыллаах суруналыыстыканы өйөөтөхтөрүнэ, бу эйгэҕэ дьон тардыһарын курдук хамнаһы үрдэттэхтэринэ, куораппытыгар саха эйгэтэ киэҥник тэнийэригэр сөптөөх усулуобуйа тэриллиэ этэ.

  • 5
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23