Сахам тыла
Төрүөхпүтүттэн саҥарар
Төрүт тыллаах буоламмыт,
Саха омук саргылааҕын,
Силистээҕин билэллэр.
Сахам тыла хомоҕойун,
Сахам тыла минньигэһин,
Ийэ тылым илбистээҕин
Иҥэринэн иһэбит.
Уһуйааҥҥа үөрэтэллэр
Уран саха тылынан
Алгыс хаһан этиллэрин,
Айыы-хара диэн тугун...
Ырыаларбыт ылбаҕайдар,
Тойуктарбыт тупсаҕайдар,
Олоҥхобут олус баай!
Оһуокайбыт эриэккэс!
Иитиллибит тылбытынан
Ирэ-хоро сэлэһэн,
Сахам тылын өрө түтан
Сайдан-үүнэн иһиэҕиҥ!
СӨ култууратын уонна үөрэҕириитин туйгуна, «Кырасдааныскай килбиэн» уонна «СӨ оскуола иннинээҕи үөрэхтээһин сайдыытыгар өҥөтүн иһин» бэлиэлэр хаһаайыннара, мелодист Светлана Афанасьевна Константинова оҕолорго аналлаах үгүс ырыалардаах, хоһооннордоох. Кини Дьокуускай куораттааҕы Е.Г. Корнилова аатынан 51 №-дээх «Кэскил» оҕо уһуйааныгар муусука салайааччытынан айымньылаахтык үлэлиир.
-
5
-
0
-
0
-
0
-
0
-
0
