Издательский дом Редакция Подписка
Погода в Якутске: . -12 oC

Бүгүн, олунньу 13 күнүгэр, төрөөбүт ийэ тылбыт Күнүгэр, kerdee.ru (көрдөө.ру) диэн саҥа саайт уонна “Сахалыы” саха тылын үөрэтэр төлөпүөҥҥэ хачайданар анал сыһыарыы сүрэхтэннэ.

Бүгүн, олунньу 13 күнүгэр, төрөөбүт ийэ тылбыт Күнүгэр, kerdee.ru (көрдөө.ру) диэн саҥа саайт уонна “Сахалыы” саха тылын үөрэтэр төлөпүөҥҥэ хачайданар анал сыһыарыы сүрэхтэннэ.

Тэрээһин Дьокуускайга «Сахамедиа» холдинг медиа-киинигэр ыытылынна.

Көрдөө.ру сайт туһунан иһитиннэриигэ билиһиннэрбиттэринэн, бырайыак соруга — интэриниэт ситимигэр сахалыы тыллаах ис хоһооннооҕу бүүс-бүтүннүүтүн биир сиргэ түмүү, итиэннэ тыл ис суолтатын көрдүүргэ кыаҕы биэрии. Онон манна туһанааччы сахалыы тыллаах СМИ-лэр, блогердар таһаарыыларын ис хоһооннорун кытта билсэр, тутаах тылларынан матырыйааллары көрдүүр буолуоҕа. «Саҥа саайт Саха Сиригэр судаарыстыбаннай саха тыла туһаныллыытын, итиэннэ киэҥник сэҥээриллиитин эйгэтин кэҥэтэр уонна саха тыла туттуллуутун хааччыйар сыаллаах үлэлиэҕэ», — диэн Чокуур Гаврильев иһитиннэрдэ.

“Якутия” Айти-паарка резиденнэрэ Лилия, Ньургун Бэчигэннэр саха тылын үөрэтэр төлөпүөҥҥэ хачайданар “Сахалыы” анал сыһыарыыны сүрэхтээтилэр. Бу бырайыагы кинилэр 2021 сыл күһүнүттэн саҕалаабыттар.

f5e8ae71 47a6 466d 9951 164db69d8b9e

Бырайыак салайааччыта Ньургун Бэчигэн этэринэн, билиҥҥи глобализация уонна сыыппара үйэтигэр төрөөбүт төрүт тылынан кэпсэтии, оҕоҕо кыра эрдэҕиттэн тылы үөрэтии, тылга тапталы иҥэрии сайдыыга биир сүрүн олук буолуохтаах.

Бырайыак социальнай хайысхалаах. Былаан быһыытынан, анал сыһыарыынан кыра оҕотуттан саҕалаан, саха тылын билбэт омук киһитигэр тиийэ бары туһаныахтаахтар. Бырайыак үс түһүмэхтээх. Бастакы түһүмэҕэр бырайыак салайааччылара саха тылын билбэт саҥа үөрэтэр киһиэхэ уонна аҕыстарыттан үөһээ саастаах оҕолорго анаан чэпчэки барыйааны оҥорон таһаардылар. Сыһыарыы ис-тас көстүүтүн, тутулун оҥорбуттар.

Былаан быһыытынан, иккис, үһүс түһүмэхтэргэ үлэ сотору саҕаланыа. Тылы сайыннарыыга эбии үөрэхтэри угуохтаахтар уонна иккититтэн аҕыһыгар диэри саастаах оҕолорго анал салааны эбэн биэриэхтээхтэр.

Түгэнинэн туһанан, кинилэр бырайыак барылын оҥорууга саха тылын учууталларын ассоциациятын салайааччыта Жанна Федоровна Барашковаҕа, Саха Сирин суруйааччыларын сойууһун бэрэссэдээтэлин солбуйааччы, “Чолбон” литература сурунаалын сүрүн эрэдээктэрэ Гаврил Андросовка, Саха википедиятын төрүттээбит Николай Николаевич Павловка-Халаҥҥа махтаннылар. Маны тэҥэ кинилэри кытары тэбис-тэҥҥэ Марианна Макаровна Федорова, Анжелика Александровна Александрова, Лена Владимировна Шишигина үлэлииллэр.

b70f3fc0 21f0 442a bc77 da8713dedabe

Бырайыак олоххо киириитигэр “Якутия” Айти-паарка резиденнэрэ краудфандинг ньыматынан харчы хомуйан, улахан көмө буолбуттар. Сүрүн оруолу Ил Дархан Гранын сүүйэн, бырайыактарын олоххо киллэрэр кыахтаммыттара ылбыт.

Тэрээһин туһунан сиһилии “Ил Түмэн” хаһыат аныгыскы нүөмэригэр билсээриҥ.

4b218f3a 2189 4d9c be92 fe20824c6f11

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением