Ону таһынан, көҕөрдүү үлэтин ыытыахтара, күөл тула бэлэсипиэт суолун, сатыы дьон хаамар ыллыгын оҥоруохтара. Дьон сынньанарыгар саҥа эбийиэктэр, спортивнай былаһааккалар, оҕо оонньуур сирэ тутуллуоҕа. Тротуардары, суолу саҥардыахтара, сырдатыы үлэтэ ыытыллыа. Ийэ искибиэригэр хапытаалынай өрөмүөн оҥоһуллан, күөл уутун ыраастыыр тэрил туруоруллуохтаах.
История чахчыта кэрэһэлииринэн, Сайсары күөл кытылыгар биһиги өбүгэлэрбит олорбуттара. Бу ытык сиргэ Дьокуускай куорат олохтоохторо, ыалдьыттара сөбүлээн сынньанар, хаартыскаҕа түһэр сирдэрин тэрийэргэ, тупсарыы үлэтин ыытарга улахан үлэ быйыл саҕаланыахтаах.
-
1
-
0
-
0
-
0
-
0
-
0
