Издательский дом Редакция Подписка
Погода в Якутске: . -14 oC

«Төрөөбүт тылга уонна литератураҕа 2023 сыл бастыҥ учуутала» өрөспүүбүлүкэтээҕи күрэх түмүгүн кулун тутар 16 күнүгэр Үөрэҕи сайыннарар, учууталлар идэлэрин үрдэтэр институкка үөрүүлээх быһыыга-майгыга таһаардылар. Кыайыылаах үрдүк аатын ылбыт учуутал Сахабыт Сирин Арассыыйа таһымыгар көмүскүөҕэ.

«Төрөөбүт тылга уонна литератураҕа 2023 сыл бастыҥ учуутала» өрөспүүбүлүкэтээҕи күрэх түмүгүн кулун тутар 16 күнүгэр Үөрэҕи сайыннарар, учууталлар идэлэрин үрдэтэр институкка үөрүүлээх быһыыга-майгыга таһаардылар. Кыайыылаах үрдүк аатын ылбыт учуутал Сахабыт Сирин Арассыыйа таһымыгар көмүскүөҕэ.

Үүнэр көлүөнэҕэ төрөөбүт тылга истиҥ тапталы иҥэрэр учууталлар күрэхтэрин түмүгүн таһаарар долгутуулаах күҥҥэ Ил Түмэн наукаҕа, үөрэххэ, култуураҕа, көрдөрөр-иһитиннэрэр эйгэҕэ уонна уопсастыбаннай түмсүүлэр дьыалаларыгар сис кэмитиэт бэрэссэдээтэлэ, педагогическай наука доктора, бэрэпиэссэр Феодосия Габышева эҕэрдэ тылын эттэ.    

0f0de710 5f60 417b 93ba a98aa236402e

«Быйыл Педагог уонна уhуйааччы сылыгар биһиги өрөспүүбүлүкэбит үгүс-үтүмэн саҥа саҕалааһыннары киллэрдэ. Дойду таһымыгар Арассыыйаҕа олорор, бастатан туран, Сибиир уонна Уһук Илин аҕыйах ахсааннаах төрүт омуктарын төрөөбүт тылларын учууталларын сийиэһин ыытарга этии киллэрбиппит.

Өрөспүүбүлүкэ киин куоратыгар саха тылын уонна литературатын, төрүт култууратын учууталларын II сийиэһэ буолан ааста. Сийиэс түмүгүнэн  кэнсиэпсийэ оҥоһуллан, бырабыыталыстыба таһымыгар көрүллэ сылдьар. 

Наука академиятын иһинэн төрөөбүт тылы сайыннарыыга анал киин тэрилиннэ. Научнай үлэ оҥоһуллубутун кэнниттэн ону Үөрэҕи сайыннарар, учууталлар идэлэрин үрдэтэр институт хас биирдии оскуолаҕа, учууталга тиэрдиэҕэ», — диэн билиһиннэрдэ Феодосия Габышева.

Оскуола аайы — саха кылааһа

Кини салгыы кэпсииринэн, төрөөбүт тылбыт сайдарыгар сөптөөх усулуобуйаны тэрийии былаан быһыытынан бара турар. Дьокуускайга уонна улуустарга тутуллар хас биирдии саҥа оскуола ахсын саха кылаастара баар буолуохтара.

20-ттэн тахса араас омук төрөөбүт тылларыгар уонна литератураларыгар Бүтүн Арассыыйатааҕы олимпиада ыытыллар, ол олимпиаданы ыытар операторынан ХИФУ талылынна. Быйыл 6 кыайыылаах оҕо «Артекка» сынньана барыахтара.  

Тыл сокуона тахсыбыта лоп курдук 30 сылын быйыл бэлиэтиибит. Өрөспүүбүлүкэҕэ нуучча, саха тылын таһынан, эбэҥки, эбээн, долган, чукча, дьукээгир тыллара сударыыстыба өйөбүлүнэн туһаналлар.

Федеральнай ирдэбилгэ төрөөбүт тылларга чаас эбиллиитигэр өрөспүүбүлүкэ салалтата, норуодунай дьокутааттар күүскэ ылсан үлэлэстилэр. Онон оскуолаҕа туһаныллар үөрэх саҥа былаана, бырагыраама оҥоһуллуоҕа.

Ил Түмэҥҥэ сокуон — икки тылынан

Хас биирдии оҕону төрөөбүт тылынан холкутук саҥарар гына үөрэттэхпитинэ, кини төрөөбүт тылын билэринэн киэн тутта улааттаҕына, ийэ тылбыт сүтүө суоҕа. Саха тыла судаарыстыбаннай статуһа өссө үрдүүр чинчилээх. 2023 сылтан хас биирдии сокуон Ил Түмэҥҥэ икки тылынан киирэр буолла. Ааспыт пленарнай мунньахха дьокутааттар 21 сокуону икки тылынан ылыннылар. Бу улахан ситиһии 20 сыл тухары иитиэхтэнэн кэллэ.

19f94a38 b80b 4582 b71a 3eea15dfc0ce

172b8361 7608 44c4 b5da 782911030043

Төрөөбүт тылы үөрэтиигэ дьоһун кылааты киллэрбит учууталларга Феодосия Габышева Ил Түмэн наукаҕа, үөрэххэ, култуураҕа, көрдөрөр-иһитиннэрэр эйгэҕэ уонна уопсастыбаннай түмсүүлэр дьыалаларыгар сис кэмитиэтин Бочуотунай грамотатын, Махтал суруктарын туттартаата.

С.Н. Донской-II аатынан Үөрэҕи сайыннарар, учууталлар идэлэрин үрдэтэр кыһа дириэктэрэ Ньургун Павлов бу күрэх үтүө үгэс быһыытынан, сыл ахсын ыытыллыа диэн эрэлин биллэрдэ. 

«Кырачаан киһи оҕо саадыгар барбытын, оскуолаҕа киирбитин кэннэ төрөөбүт тыл дэгэтигэр, бараммат барҕа баайыгар баспытааталлар уонна учууталлар үөрэтэллэр.

Федеральнай судаарыстыбаннай ирдэбил киирэригэр төрөөбүт тылы үөрэтии чааһын икки бүк кыччатар санаалаахтара. Биһиги учууталларбыт, завучтар, Феодосия Васильевна күүстээх үлэни ыытаннар, төрөөбүт тылбытын үөрэтии чааһын сарбыйыы тохтоото.

Ол туруорсуубут түмүгэ оскуолаларга өссө тиийэ илик, күһүн үөрэх былаана оҥоһуллубутун кэннэ докумуон балаҕан ыйыгар биирдэ киирбитэ. Төрөөбүт тылбытын үөрэтии чааһа кэлэр үөрэх сылыттан оннугар түһүөхтээх», — диэн иһитиннэрдэ Ньургун Павлов.  

840e8a4d c53f 4c87 99d1 70774815ea72

Икки күн устатыгар тыҥааһыннаах киирсии кэнниттэн төрөөбүт тылбытын үөрэтэр учууталлар күрэхтэригэр кыайыылаах үрдүк аатын Бэрдьигэстээх орто оскуолатын учуутала Кэскилээнэ Лукина ылла. Киниэхэ Идэлээх сойуус рескомун аатыттан 30 тыһ. солк. харчынан бириэмийэни туттардылар уонна Педагог уонна уhуйааччы сылынан түөскэ кэтэр анал бэлиэнэн наҕараадалаатылар.

fe31cd34 b53a 4dad b620 dbed48431982

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением